რუსეთში, პეტერბურგიდან შვიდი დეპუტატი პოლიციაში დაიბარეს, რუსეთის პრეზიდენტის, ვლადიმერ პუტინის ხელისუფლებისგან გადაყენების მოწოდების და პუტინის მიერ უკრაინაში ომის გაჩაღების გადაწყვეტილება და მისი შედეგები რუსეთისთვის „ღალატად“ შეაფასეს. ამის შესახებ რუსული გამოცემა Mediazona სანკტ–პეტერბურგის მუნიციპალიტეტის „სმოლინსკოეს“ ერთ–ერთ დეპუტატზე, დიმიტრი პალუგაზე დაყრდნობით იტყობინება.
როგორც გამოცემა წერს სამართლდამცავებმა, დეპუტატები პოლიციაში დაიბარეს და მათ წინააღმდეგ ოქმები „ჯარის დისკრედიტაციის“ გამო შეადგინეს.
„სანქტ–პეტერბურგის ცენტრალური ოლქის შინაგან საქმეთა სამინისტროს დეპარტამენტის ანგარიშში ნათქვამია, რომ „მოქმედი ხელისუფლების დისკრედიტაციისკენ მიმართული ქმედებები“ 7 სექტემბერს დაახლოებით 19:00 საათზე განხორციელდა მუნიციპალური დეპუტატების მიერ… იმ დღის საღამოს სმოლნინსკის დეპუტატებმა განაცხადეს, რომ მათ მიმართეს სახელმწიფო დუმას პრეზიდენტის ვლადიმერ პუტინის თანამდებობიდან გადაყენების წინადადებით “ღალატთან დაკავშირებით“, – წერს გამოცემა.
მიმართვის ინიციატორებმა განაცხადეს, რომ პუტინის გადაწყვეტილებამ უკრაინასთან ომის დაწყების შესახებ „გამოიწვია რუსი შრომისუნარიანი მოქალაქეების დაღუპვა, პრობლემები რუსეთის ეკონომიკაში, უკრაინის მილიტარიზაცია და ნატოს აღმოსავლეთით გაფართოება“, რაც „ზიანს აყენებს“. რუსეთისა და მისი მოქალაქეების უსაფრთხოებას“. მიმართვას მუნიციპალიტეტის საკრებულოს წევრთა უმრავლესობამ მხარი დაუჭირა.
ახლა, შვიდმა “აჯანყებულმა“, რომლებმაც ერთი სიტყვით არ ახსენეს, რომ რუსეთის ეკონომიკისთვის უარყოფითი შედეგების არარსებობის შემთხვევაშიც კი, მიუღებელია მეზობელ სახელმწიფოზე არაგონივრული თავდასხმა, ისინი ადგენენ ოქმებს ქალაქის პოლიციის განყოფილებაში No. 76. მათ ბრალი ედებათ „რუსეთის შეიარაღებული ძალების ქმედებების დისკრედიტაციაში“, რაზეც პასუხისმგებლობა გათვალისწინებულია რუსეთის ფედერაციის ადმინისტრაციულ სამართალდარღვევათა კოდექსის 20.3.3 მუხლის 1-ლი ნაწილით.
შეგახსენებთ, 8 სექტემბერს ცობილი გახდა, რომ პეტერბურგის დეპუტატებმა სახელმწიფო სათათბიროს მოუწოდეს გადაეყენებინა კრემლის ხელმძღვანელი ხელისუფლებადან. მათი აზრით, „პუტინის ქმედებები საფრთხეს უქმნის რუსეთს“.
ავტორი
