საფრანგეთი უკრაინას დამატებით ჯავშანტექნიკას და საზენიტო რაკეტებს მიაწვდის, რომლებიც აღებულია საფრანგეთის მარაგებში არსებული ძველი, მაგრამ ჯერ კიდევ ფუნქციონალური აღჭურვილობისგან, _ განაცხადა საფრანგეთის თავდაცვის მინისტრმა სებასტიენ ლეკორნუმ.
გავრცელებული ინფორმაციით, აღჭურვილობის შემადგენლობაში შედის VAB ტიპის ბორბლიანი ჯავშანტრანსპორტიორი და Aster ტიპის რაკეტები SAMP/T სისტემებისთვის.
VAB-ები მნიშვნელოვანი იყო ჯარების მობილურობისთვის გრძელ ფრონტზე და მოთხოვნილი იყო უკრაინის მიერ, რომელიც მანამდე იღებდა ამ ტიპის მანქანების მიწოდებას.
გაზეთ La Tribune-თან საუბრისას, ლეკორნუმ უარი თქვა მოწოდებული რაოდენობების მითითებაზე, იმის გარდა, რომ თქვა, რომ “ასობით” ჯავშანტექნიკა უკრაინაში გაიგზავნება. ისინი ჩავლენ წელს ან მომდევნო წლის დასაწყისში.
გავრცელებული ინფორმაციით, საფრანგეთმა უკრაინას 2022 წლის თებერვალში რუსეთის შეჭრის შემდეგ 2,6 მილიარდი ევროს (2,8 მილიარდი დოლარი) ღირებულების მასალები მიაწოდა.
