BBC– ის ინფორმაციით, საფრანგეთმა უნდა შემოიღოს სქემა, რომელიც სუბსიდირებას გაუწევს ტანსაცმლისა და ფეხსაცმლის შეკეთებას. ამ გადაწყვეტილების მიზანი კი ნარჩენების და პლანეტების გათბობის შემცირებაა ტექსტილის მრეწველობისგან.
სქემის მიხედვით, რომელიც გამოაცხადა სახელმწიფო მდივანმა ეკოლოგიის საკითხებში ბერანჟე კუიარმა სამშაბათს, ფასდაკლებები იქნება შესაძლებელი 6 ევროდან ($7)-დან 25 ევრომდე (28$) შეკეთების სირთულის მიხედვით.
”ამან შეიძლება წაახალისოს ზუსტად ის ადამიანები, ვინც იყიდა, მაგალითად, ფეხსაცმელი ბრენდისგან, რომელიც ამზადებს კარგი ხარისხის ფეხსაცმელს, რომ მოინდომონ მათი შეკეთება, მოშორების ნაცვლად,” – თქვა კუიარმა პრესკონფერენციაზე.
კუიარმა თქვა, რომ ტექსტილის ინდუსტრია 2050 წლისთვის გლობალური სათბურის გაზების ემისიების მეოთხედს შეადგენს, რაც მსოფლიოში მეორე ყველაზე დამაბინძურებელი ინდუსტრიაა.
ეკოლოგიის სამინისტრომ ფრანგულ კერძო ორგანიზაციას სახელად Refashion დაავალა სქემის დაწყება.
Refashion ამბობს, რომ 2022 წელს საფრანგეთში 3,3 მილიარდი ცალი ტანსაცმელი, ფეხსაცმელი და საყოფაცხოვრებო თეთრეული გაიყიდა და სამინისტროს მონაცემებით, ყოველწლიურად 700 000 ტონა ტანსაცმელს ფრანგები ყრიან, რომელთა ორი მესამედი ნაგავსაყრელებზე ხვდება.
