“საქართველო კრემლის ორბიტაზე გადავიდა” – ამ სათაურით სტატიას საერთაშორისო გამოცემა The Economist აქვეყნებს.
სტატიის ავტორი იხსენებს 2005 წელს, ჯორჯ ბუშის თბილისში ვიზიტს, როცა ის მიესალმა ქვეყნის დემოკრატიულ რეფორმებს, მადლობა გადაუხადა ერაყში ჯარების გაგზავნისთვის და საქართველოს “თავისუფლების შუქურა” უწოდა.
ავტორი იხსენებს მაშინდელი პრეზიდენტის, მიხეილ სააკაშვილისთვის ნათქვამ ბუშის სიტყვებს, რომ საქართველოს ჰყავდა “სოლიდური მეგობარი ამერიკაში”.
,,გზა თბილისის აეროპორტიდან ძველ ქალაქამდე – ციცაბო მოკირწყლული ქუჩების ქსელი მორთული აივნებით და ხინკალის და ხაჭაპურის სურნელი – ატარებს ჯორჯ ბუშის, ამერიკის პირველი პრეზიდენტი, რომელიც ეწვია პატარა კავკასიურ ქვეყანას 2005 წელს. მიესალმა მის დემოკრატიულ რეფორმებს და მადლობა გადაუხადა ერაყში ჯარების გაგზავნისთვის, ბატონმა ბუშმა საქართველოს უწოდა “თავისუფლების შუქურა” და უთხრა მის ახალგაზრდა და მოუსვენარ რეფორმატორ პრეზიდენტს, მიხეილ სააკაშვილს, რომელიც ხელისუფლებაში 2003 წელს პირველი ” ფერადი“ რევოლუციის დროს მოვიდა და მას უთხრა, რომ საქართველოს ჰყავდა „სოლიდური მეგობარი ამერიკაში“, – წერს სტატიის ავტორი.
მედია წერს, რომ ქვეყანას დასავლეთი ოდესღაც თავისუფლების შუქურად აღიქვამდა.
“ამ დღეებში სწორედ კრემლი ადიდებს საქართველოს, ქვეყანას, რომელშიც 2008 წელს შეიჭრა, მისი ხაზის გატარებისთვის და რუსეთის წინააღმდეგ დასავლეთის სანქციების შეერთებაზე უარის თქმისთვის”, – წერია სტატიაში.
The Economist წერს, რომ მიხეილ სააკაშვილი საავადმყოფოში მეთვალყურეობის ქვეშ იმყოფება და ებრძვის დემენციასა და კუნთების ატროფიას.
,,55 წლის სააკაშვილი თბილისის გარეუბანში მდებარე საავადმყოფოში მეთვალყურეობის ქვეშ იმყოფება და ებრძვის დემენციას და კუნთების ატროფიას. დედა, რომელიც მას ყოველდღიურად სტუმრობს, ამბობს, რომ მეხსიერების დაქვეითება აქვს და სასეირნო ჩარჩო სჭირდება,“ – წერს სტატიის ავტორი.
The Economist ცნობით, მათი კორესპონდენტისთვის გაგზავნილ წერილში მესამე პრეზიდენტი ამბობს, რომ მისი ჯანმრთელობა ძალიან ცუდ მდგომარეობაშია.
“გარდა ყველა სახის ცუდი სიმპტომებისა, რაც სასოწარკვეთაში მაგდებს არის მეხსიერების საშინელი დაკარგვა”, – აღნიშნავს მიხეილ სააკაშვილი.
გამოცემა წერს, რომ სააკაშვილი თვლის, რომ ის მოწამლეს და აღნიშნავს, რომ ის კომაში ჩავარდა მას შემდეგ, რაც ადრე გადაიყვანეს ციხის სხვა საავადმყოფოში. დეკემბერში მისმა ადვოკატებმა გაავრცელა ტოქსიკოლოგიური დასკვნა, რომელშიც ნათქვამია, რომ მის სხეულში მძიმე მეტალები აღმოაჩინეს. ტოქსიკოლოგმა გამოთქვა მოსაზრება, რომ ის მოწამლული იყო.
31 იანვარს მისმა თანამოაზრეებმა განაცხადეს, რომ ის გადაიყვანეს რეანიმაციაში, თუმცა ხელისუფლებამ ეს უარყო.
ავტორი
