47 მომხრე, 5 წინააღმდეგი, 2-მა თავი შეიკავა – ევროპარლამენტის საგარეო ურთიერთობათა კომიტეტმა საქართველოს შესახებ ყოველწლიური ანგარიში კომპრომისული შესწორებებით მიიღო. 114-ე შესწორება ეხება საქართველოს მესამე პრეზიდენტს მიხეილ სააკაშვილს.
შესწორების ავტორები, საქართველოს ხელისუფლებას მოუწოდებენ, რომ მიხეილ სააკაშვილს საზღვარგარეთ მკურნალობის საშუალება მიეცეს
,,საქართველოს ხელისუფლებამ გაათავისუფლოს ყოფილი პრეზიდენტი მიხეილ სააკაშვილი და მისცეს მას უფლება, გაიაროს სათანადო სამედიცინო მკურნალობა საზღვარგარეთ ჰუმანიტარული ნიშნით და როგორც პოლიტიკური პოლარიზაციის შემცირების საშუალება; მოუწოდებს საქართველოს ხელისუფლებას, შეწყვიტოს პოლიტიკურად მოტივირებული სისხლის სამართლის საქმეები და განიხილოს მიმდინარე სისხლის სამართლის საქმეები მედიის მუშაკებისა და ხელისუფლების მიმართ კრიტიკული მედია საშუალებების მფლობელების ან ახლო ოჯახის წევრების წინააღმდეგ” – წერია შესწორებაში
ეროპარლამენტარების – ანა ფოტიგას, იაცეკ სარიუშ–ვოლსკისა და ასიტა კანკოს მიერ ინიცირებული შესწორების თანახმად, ევროკავშირის ლიდერებმა უნდა განახორციელონ ზეწოლა საქართველოს ხელისუფლებაზე,
,,რათა სრულად დაიცვან სააკაშვილის უფლებები და ღირსება“. აქვეა მოწოდება საქართველოს პრეზიდენტის მიმართ, გამოიყენოს თავისი კონსტიტუციური პრეროგატივა [შეწყალების მექანიზმი]. ტექსტში გამოხატულია წუხილი, რომ ევროკავშირის წარმომადგენელ პოლიტიკოსებს პატიმრების მონახულების უფლება არ ეძლევათ.
ანგარიშის მთავარი მომხსენებელი იყო სოციალისტებისა და დემოკრატების პროგრესული ალიანსის წევრი სვენ მიქსერია.
ევროპარლამენტარები სადავოდ და საეჭვოდ თვლიან “მთავარი არხის” დამფუძნებლის, ნიკა გვარამიას მიმართ გამოტანილ განაჩენს.
ავტორი
