ამ წუთებში საქართველოს პრეზიდენტი სალომე ზურაბიშვილი საფრანგეთის პრეზიდენტს იმანუელ მაკრონს ხვდება.
მანამდე მას ჰქონდა აქტიური კომუნიკაცია ევროპის ქვეყნების პირველ პირებთან. უკრაინის პრეზიდენტთან ვოლოდიმერ ზელენსკისთან საუბრის შემდეგ, საქართველოს პრეზიდენტი ესაუბრა გერმანიის პრეზიდენტს შტაიენმაიერს. სალომე ზურაბიშვილი ამ საუბრის შემდეგ წერდა:“ ხაზი გავუსვი სრუალიად ევროკავშირის ერთობის და გერმანიის მიერ რუსული აგრესიის წინაშე მყოფი უკრაინის მტკიცე მხარდაჭერის ისტორიულ მნიშვნელობას; საქართველოსადმი ევროპული მხარდაჭერის ზრდა ისე დროულია, როგორც არასდროს“. ასევე, საქართველოს პრეზიდენტს საუბარი ჰქონდა ნიდერლანდების პრემიერ-მინისტრ მარკ რუტესთან უკრაინაში მიმდინარე მოვლენებზე, პრეზიდენტ ზელენსკის მხარდაჭერაზე და უკრიანისა და საქართველოს ევროპულ პერსპექტივებზე.
ევროპელმა ლიდერებმა ის პარიზსა და ბრიუსელში მიიწვიეს. სწორედ ამ მიწვევის ფარგლებში მართავს შეხვედრებს ალომე ზურაბიშვილი პარიზში.
ასევე, სალომე ზურაბიშვილმა ვრცელი ინტერვიუ მისცა France Inter-ს. მედიასაშუალების თქმით, მაშინ, როცა ყველა თვალი სუს სამხედროებთან მებრძოლი უკრაინისკენაა მიმართული, უნდა გვახსოვდეს 2008 წელი, როცა ნატოში გაწევრიანებიდან რამდენიმე თვეში, პუტინის რუსეთი თავს დაესხა საქართველოს. დამორჩილებაზე უარის მიღების შემდეგ, ხუთდღიანმა ომმა ქვეყნის სამხრეთ ოსეთის რეგიონში, ასეულობით ადამიანის სიკვდილი მოიტანა. დაახლოებით 3.7 მილიონიანი ქვეყნის პრეზიდენტი ამბობს, რომ “ვლადიმერ პუტინი ახორციელებს გეგმას, რომელიც მან გააუმჯობესა“.
საქართველოს პრეზიდენტის თქმით, პუტინმა ომის გაკვეთილები 2008 წელს საქართველოსთან ომში ისწავლა, სადაც შეამჩნია მისი ავიაციის არადამაკმაყოფილებელი მდგომარეობა თუნდაც იმ პატარა ქვეყანასთან შედარებით, რომლის სამხედრო ძალები უკიდურესად არაპროპორციული იყო რუსეთის უზარმაზარ ძალებთან შედარებით. სწორედ 2008 წელს დაიწყო პუტინმა რუსული არმიის გენერალური გადაიარაღება და რეორგანიზაცია. ამ რეორგანიზაციის შედეგები და ნაკლოვანებებს დღეს უკრაინასთან შეგვიძლია დავინახოთ“.
[sexy_author_bio]
