საქსტატის მონაცემებით, 2024 წელს, ემიგრანტების რიცხოვნობამ 121 425 კაცი შეადგინა, რაც წინა წელთან შედარებით 50.5 პროცენტით ნაკლებია, ხოლო იმიგრანტების რიცხოვნობა 34.0 პროცენტით შემცირდა და 135 811 კაცი შეადგინა. ამავე პერიოდში, იმიგრანტების 85.6 პროცენტი და ემიგრანტების 85.8 პროცენტი, შრომისუნარიან ასაკში მყოფ მოსახლეობას (15-64 წლის ასაკობრივი ჯგუფი) წარმოადგენენ.
2024 წელს, იმიგრანტების 48.2 პროცენტს, ხოლო ემიგრანტების 53.2 პროცენტს საქართველოს მოქალაქეები წარმოადგენენ.
იმიგრანტების და ემიგრანტების რიცხოვნობა 2024 წელს მოქალაქეობის მიხედვით ასე ნაწილდება: 135 811 იმიგრანტიდან 65 436 საქართველოს, 23 574 რუსეთის, 6 898 უკრაინას, 5 214 თურქეთის, 4 594 ინდოეთის, 4 556 აზერბაიჯანის, 25 487 სხვა ქვეყნის მოქალაქეა, ხოლო 52 შემთხვევაში მოქალაქეობა არ არის მითითებული.
121 425 ემიგრანტიდან 64 594 საქართველოს, 25 612 რუსეთის ფედერაციის, 4 290 უკრაინას, 2 631 თურქეთის, 3 213 ინდოეთის, 2 209 აზერბაიჯანის, 18 837 სხვა ქვეყნის მოქალაქეა, ხოლო 39 შემთხვევაში მოქალაქეობა მითითებული არ არის.
