ოზურგეთში, 22 წლის ბიჭის სასტიკ მკვლელობასთან დაკავშირებით ახალი დეტალები ხდება ცნობილი.
არსებული ინფორმაციით, ბიჭს თავს იმ დროს დაესხნენ, როცა ის თანმხლებ პირთან ერთად ავტომანქანით სოფლის გზაზე გადაადგილდებოდა.
ბიჭი სასწრაფო დახმარების მანქანით ოზურგეთის მედალფას კლინიკაში გადაიყვანეს, თუმცა, როგორც აღნიშნული კლინიკის რეანიმატოლოგი ამბობს, ბიჭს სასიცოცხლო ფუნქციები უკვე დაკარგული ჰქონდა.
„შემოყვანისთანავე ამოიყვანეს რეანიმაციულ განყოფილებაში, თუმცა პაციენტი უკვე გარდაცვლილი იყო, მას სიცოცხლე ნიშნები არ აღენიშნებოდა, მიუხედავად ამისა ჩატარდა რეანიმაციული ღონისძიებები“, – განაცხადა კლინიკა „მედალფას“ რეანიმატოლოგმა რამაზ ზერებცოვმა.
შინაგან საქმეთა სამინისტროს ინფორმაციით, დამნაშავე ჯერ დაკავებული არაა.
მომხდარზე გამოძიება განზრახ მკვლელობის ბრალდებით მიმდინარეობს (საქართველოს სსკ-ის 108-ე მუხლი).
