“გურია ნიუსის” ინფორმაციით მკვლელობა მოხდა ოზურგეთის მუნიციპალიტეტის სოფელ დვაბზუში.
ჩვენი წყაროს თქმით, დვაბზუში მცხოვრებმა 78 წლის რ.თ-მ საკუთარი და, 82 წლის კ.თ. მოკლა და ეზოში დამარხა.
წყაროს თქმით, რ.თ.-მ პოლიციას დის დაკარგვის შესახებ ორი დღის წინ პირადად შეატყობინა და ამ დრომდე სამართალდამცავები 82 წლის ქალბატონს ეძებდნენ.
_ 112-ში დარეკა ძმამ და პოლიცია ეძებდა საწყალ მოხუცს. მეზობლები მივიდნენ ამბის საკითხავად და რ.თ-მ სახლში არ შეუშვა, რამაც ეჭვები გააჩინა.
სწორედ ამის შემდეგ მიიტანეს ეჭვი რ.თ-ზე, _ გვითხრეს სოფელ დვაბზუში.
ადგილობრივების ინფორმაციით, მოკლული ქალბატონი გათხოვილი არ ყოფილა და ის ძმასთან ერთად, მამის დანატოვარ სახლში ცხოვრობდა.
დვაბზუში გვითხრეს, რომ რ.თ-ს მეუღლე გარდაცვლილი ჰყავდა, შვილები კი საზღვარგარეთ და და-ძმა სახლში მარტო ცხოვრობდა.
მეზობლებისთვის უცნობია რა გახდა 82 წლის ქალბატონის მკვლელობის მიზეზი.
ამ დროისთვის ცნობილია მხოლოდ ის, რომ მისი გვამი, ცოტა ხნის წინ იპოვეს და როგორც გვითხრეს, ქალბატონი, სავარაუდოდ, ჩაქუჩის თავში დარტყმით არის გარდაცვლილი.
შემთხვევის ადგილზე ამ წუთებში სამართალდამცავები მუშაობენ.
შინაგან საქმეთა სამინისტროს პრესსამსახურის ინფორმაციით, მომხდარზე გამოძიება სისხლის სამართლის კოდექსის 108-ე მუხლით არის დაწყებული, რაც განზრახ მხვლელობას გულისხმობს.
