“საზეიმო  განქორწინება”

იაპონიაში სულ უფრო პოპულარული ხდება “საზეიმო  განქორწინება”, რომელიც 800 დოლარამდე ჯდება.

გაყრის ცერემონიაზე სტუმრები ისევე, როგორც ქორწილის დროს, სპეციალურ დარბაზში სხედან,  რომელშიც სუფრაა გაშლილი. ყოფილი მეუღლეები ბაყაყისთავიანი ჩაქუჩით ერთად ამსხვრევენ საქორწინო ბეჭდებს.

ქალს პროცესზე აუცილებლად  ყვითელი ზიზილასფერი “განქორწინების კაბა” აცვია, რადგან ზიზილა იაპონიაში “პლატონური ურთიერთობის” სიმბოლოა.

შემდეგ ყოფილი ცოლი ზიზილების თაიგულს სტუმრებს სტყორცნის, ისინი კი გაყრილებს გულითადად ულოცავენ.

“განქორწინების კაბას” კიდევ ერთი თავისებურება აქვს – ლამაზია მხოლოდ ზურგის მხრიდან, რადგან ქალი რომ შებრუნდება და ყოფილ მეუღლეს დატოვებს, “წასვლა” მაქსიმალურად ლამაზი გამოჩნდეს.