რესტორნის სტუმრებს ღვინის შერჩევაში ამიერიდან ოფიციანტის ნაცვლად სენსორული ეკრანის ზედაპირით წარმოდგენილი მაგიდები დაეხმარება. მაგიდებში ჩამონტაჟებული “iPhone”-ის, “iPad SmartCellar”-ის და “Uncorked”-ის სპეციალური პროგრამების წყალობით, კლიენტი ღვინის მარკასა და ღირებულებაზე იღებს ინფორმაციას.
მაგიდის ვირტუალური ზედაპირი სასმელის კონკრეტულ მახასიათებლებსაც აღწერს და დაწესებულების სტუმარს რჩევებსაც აძლევს, თუ რომელ კერძს, რომელი ღვინო შეესაბამება.
იაპონური რესტორნების მომსახურებაში უკვე დანერგეს “Microsoft Surface”-ის ტექნოლოგიები, რომლებიც სენსორულ ეკრანებს წარმოადგენს.
მისი დახმარებით, მომხმარებელი კონკრეტული სასმლის შესახებ არსებული ინფორმაციის გარდა, სხვა კლიენტების შეფასებებსაც ეცნობა. მაგიდის ვირტუალურ ეკრანზე რესტორნის მენიუა გამოსახული. მისი საშუალებით, ოფიციანტის ლოდინის გარეშე შეკვეთის გაკეთებაც შეიძლება.
