ნარკოლოგი ზურა სიხარულიძე ფეისბუქის საკუთარ გვერდზე “შავ ბაზარზე” ახალი, საშიში ნარკოტიკის გამოჩენის შესახებ წერს. როგორც ნარკოლოგი აღნიშნავს, ნარკოტიკი, რომლის სახელია ISO, ძლიერმოქმედია და ზედოზირების დიდი რისკს შეიცავს.
“არ ვიცი, რამდენად სწორია, რასაც ახლა დავწერ, მაგრამ ამ დროისათვის შავ ბაზარზე გამოჩნდა ახალი სინთეტური ნარკოტიკი, რომლის დასახელებაა ISO. მას სხვა ქიმიური სტრუქტურა აქვს, კერძოდ, თავისი სტრუქტურით არის etonitazene-ს მსგავსი, რომელიც არის მისი წინამორბედი.
აღნიშნულ ნარკოტიკულ საშუალებას აქვს დიდი ნარკოგენული პოტენციალი და შესაბამისად, გააჩნია ზედოზირების დიდი რისკი, ბევრად ძლიერი ვიდრე სხვა ოპიატებს. მიუხედავად ამისა, სხვა ოპიატებისგან განსხვავებული სტრუქტურა და მოქმედება აქვს. დღეს ამერიკის, კანადის, ევროპის და ინგლისის ქუჩებში საკმაოდ დიდ პრობლემას წარმოდგენს. მისი ორგანიზმში აღმოჩენა ჩვეულებრივი ტესტით შეუძლებელია.
ჰეროინისა და ფენტანილისგან განსხვავებით, რომელთა ეფექტებიც ცნობილია, აღნიშნული სინთეზური ოპიატის შემთხვევაში, ეფექტი გრძელვადიანია თუ მოკლევადიანი, ამ დროისთვის ეს ფაქტი დადგენილი არ არის. ზედოზირების თავისებურებაც განსხვავებული აქვს, იწვევს, როგორც სუნთქვის დათრგუნვას, აგრეთვე, გულის უკმარისობასაც და ხშირ შემთხვევაში, ნალოქსონი არ შველის.
ვინაიდან ტესტირების დროს მისი აღმოჩენა შეუძლებელია, ზედოზირების დიგნოსტირებაც და დახმარებაც რთულია და ხშირად უცნობი ეტიოლოგიის კომას მიაწერენ.
ის ჩინეთიდან არის შემოტანილი, ვინაიდან ჩინეთმა 2019 წელს აკრძალა ფენტანილის და მისი დერვატების წარმოება და გაჩნდა ISO, რომლის ეფექტი ბევრად ძლიერია, ვიდრე სხვა ოპიატების. გარდა ამისა, აპოტენცირებს სხვა ფსიქოაქტიურ ნივთიერებს.
აღნიშნული ინფორმაციის გარდა, სხვას ვერაფერს გეტყვით და გთხოვთ, ჟურნალისტებმა შეიკავოთ თავი დარეკვისაგან.
წინასწარ დიდი მადლობა!” _ წერს ზურა ზიხარულიძე.
