შემზარავი ტრაგედიის დეტალები _ “არ გამიგია, ადამიანს საკუთარ კისერზე ასე დაეგრიხოს თავსაფარი”

როგორც უკვე ვწერდით, სამტრედიის მუნიციპალიტეტის სოფელ  ნინუაკუთხეში მცხოვრებმა 24 წლის ანა კანდელაკმა სიცოცხლე, სავარაუდოდ, თვითმკვლელობით დაასრულა.

ეს ინფორმაცია ,, გურია ნიუსს” სამტრედიის მუნიციპალიტეტის მერის წარმომადგენელმა, ოთარ წულეისკირმა დაუდასტურა, რომელმაც მომხდარის შესახებ უშუალოდ ოჯახიდან შეიტყო:

,,ახლახან მოვედი ტრაგიკულად დაღუპული გოგონას ოჯახიდან. თანადგომის სათქმელად ვიყავი მისული. ხელმოკლე ოჯახს უნდა გვერდით ამოვუდგეთ და დახმარება გავუწიოთ ამ მძიმე განსაცდელის ჟამს. რაც შეეხება, თქვენს შეკითხვას, მოკლული ხომ არ არის, ვერც უარვყოფ და ვერც დაგიდასტურებთ. რომ აღწერეს, ასეთი რამ არც მე და არც სხვას არ უნახავს, თვითმკვლელობის დროს ადამიანს ასე დაეგრიხოს საკუთარ კისერზე თავსაფარი. ექსპერტის დასკვნას ველოდებით.”

ტრაგიკულად დაღუპულ ანა კანდელაკს ხვალ, 14 ივლისს მშობლიურ სოფელში დაკრძალავენ.