BBC-ის ინფორმაციით, სამხრეთ აფრიკაში კორონავირუსის ახალი ვარიანტი გამოჩნდა. მეცნიერები ამბობენ, რომ B.1.1.529 მუტაციის ძლიერი უნარი აქვს და მეცნიერების შეშფოთებას იწვევს.
ამ დროისთვის კორონავირუსის ახალი ვარიანტის შემთხვევები ძირითადად დაფიქსირებულია სამხრეთ აფრიკის ერთ პროვინციაში, მაგრამ არის ნიშნები, რომ ის შეიძლება უფრო გავრცელდეს.
ამ დროისთვის დაფიქსირდა 77 შემთხვევა სამხრეთ აფრიკის გაუტენგის პროვინციაში, ოთხი შემთხვევა ბოტსვანაში და ერთი ჰონგ კონგში (რომელიც პირდაპირ კავშირშია სამხრეთ აფრიკაში მოგზაურობასთან).
პროფესორმა ტულიო დე ოლივეირამ, სამხრეთ აფრიკის ეპიდემიებზე რეაგირებისა და ინოვაციების ცენტრის დირექტორმა, თქვა, რომ არსებობს “მუტაციების უჩვეულო თანავარსკვლავედი” და ის “ძალიან განსხვავდება” სხვა ვარიანტებისგან, რომლებიც აქამდე გავრცელდა.
მუტაციის დონე, სავარაუდოდ, მოდის ერთი პაციენტისგან, რომელმაც ვერ შეძლო ვირუსის დამარცხება. ბევრი მუტაცია ავტომატურად არ ნიშნავს ცუდს. მნიშვნელოვანია ვიცოდეთ, რას აკეთებენ ეს მუტაციები სინამდვილეში. მაგრამ შეშფოთებას იწვევს ის, რომ ეს ახალი ვირუსი რადიკალურად განსხვავდება ჩინეთში გაჩენილი ვირუსისგან. ეს ნიშნავს, რომ ვაქცინები, რომლებიც შექმნილია ორიგინალური შტამის გამოყენებით, შეიძლება არ იყოს ისეთი ეფექტური კორონავირუსის აღნიშნული ვერსიის წინააღმდეგ.
როგორც პროფესორი რიჩარდ ლესელსი, ამბობს: ”ამ ვირუსს შეიძლება ჰქონდეს გაძლიერებული უნარი გავრცელდეს ადამიანიდან ადამიანზე.”
როგორც ჩანს, ეს ვარიანტი იძლევა უცნაურ შედეგებს სტანდარტულ ტესტებში და რომელიც შეიძლება გამოყენებულ იქნას ვარიანტის თვალყურის დევნებისთვის სრული გენეტიკური ანალიზის გაკეთების გარეშე. ეს კი იძლევა ვარაუდის საფუძველს, რომ გაუტენგში ინფიცირების შემთხვევების 90 % შეიძლება უკვე აღნიშნული ვარიანტი იყოს. მაგრამ ეს არ გვეუბნება ინფორმაციას იმის შესახებ, ვრცელდება თუ არა ის უფრო სწრაფად, ვიდრე დელტა, არის თუ არა უფრო მძიმე ან რამდენად შეუძლია მას თავი აარიდოს ვაქცინაციით გამოწვეულ იმუნიტეტს.
