“რუსთავი2”-ის ინფორმაციით, პრეზიდენტის მიერ შეწყალებულმა პატიმრებმა ციხეები დატოვეს. ნათლისღების დღესასწაულთან დაკავშირებით, მიხეილ ყაველაშვილმა 159 პატიმარი შეიწყალა. მათი დიდი ნაწილი სასჯელს ქსნის და ქუთაისის სასჯელაღსრულების დაწესებულებაში იხდიდნენ.
პრეზიდენტის ადმინისტრაციის მიერ გავრცელებულ ტექსტში ნათქვამია, რომ საქართველოს პრეზიდენტის მიერ მისთვის კონსტიტუციით მინიჭებული ექსკლუზიური უფლებამოსილების გამოყენება ჰუმანიზმის პრინციპს და სახელმწიფო ინტერესს ეფუძნება.
