1969 წლის 23 სექტემბერს ამერიკულმა გამოცემამ Northem Star სენსაციური ინფორმაცია გაავრცელა.
ამ გაზეთის ჟურნალისტების მტკიცებით, 1966 წელს ბრიტანელი მუსიკოსი პოლ მაკარტნი ავტოკატასტროფაში დაიღუპა და The Beatles-ის წევრებმა ის ორეულით შეცვალეს.
საინტერესოა, რომ ამ ინფორმაციამ თავის დროზე საქართველოშიც ჩამოაღწია და მასზე დღემდე საუბრობენ.
1969 წლის 7 ნოემბერს მაკარტნიმ ჟურნალ Life-ს ინტერვიუ მისცა და საკუთარი გარდაცვალების ინფორმაციას ჟურნალისტების მიერ გავრცელებული ცრუ ინფორმაცია უწოდა.
„ეს ცნობა ალბათ იმიტომ გავრცელდა, რომ ჟურნალისტებთან რამდენიმე თვეა კავშირი არ მქონია. გარწმუნებთ რომ ცოცხალი ვარ, ოჯახთან ერთად ვიმყოფები და ახალ სიმღერებს ვწერ,“ – განაცხადა მუსიკოსმა.
ბრიტანული მასმედიის იმდროინდელი ინფორმაციით, თავისი დაღუპვის ცნობა რომ მოისმინა მაკარტნი შესანიშნავ ხასიათზე დადგა.
„უკვე მომკლეს? მშვენიერია. შემომხედეთ, ვგავარ კი მიცვალებულს?“ – ასეთი იყო მისი თავდაპირველი რეაქცია.
ავტორი
