შინაგან საქმეთა მინისტრის განცხადებით, საქართველოს სასაზღვრო პოლიცია საქართველოს საზღვრის კონტროლს თანამედროვე სტანდარტების შესაბამისად ახორციელებს. აღნიშნული სტანდარტი გულისხმობს გამშვები პუნქტების გარდა ტერიტორიების ე.წ. მწვანე ზოლის სასაზღვრო პოლიციის მორიგე ჯგუფების მიერ კონტროლს, _ ამის შესახებ საქართველოს შინაგან საქმეთა მინისტრმა გიორგი მღებრიშვილმა აზერბაიჯანელი ჟურნალის გატაცებასთან დაკავშირებით განაცხადა.
“ალბათობა იმისა, რომ საზღვრის რომელიმე წერტილი შეიძლება მესაზღვრის გვერდის ავლით გადაკვეთოს ადამიანმა დაბალია, მაგრამ არსებობს. აზერბაიჯანელი კოლეგების განცხადებით, აფგან მუხთრალის შემთხვევაში სწორედ მსგავსს ფაქტთან გვაქვს საქმე. ეს არის საქმეში არსებული ერთადერთი ოფიციალური და სამართლებრივად გამყარებული გარემოება,” – განაცხადა მღებრიშვილმა.
მისი თქმით, მედიაში გავრცელებული ინფორმაციას, რომ აფგან მუხთარლი საზღვრის გვერდის ავლით რეგულარულად ახორციელებდა არადეკლარირებული უცხოური ვალუტის კონტრაბანდული გზით შეტანას აზერბაიჯანის ტერიტორიაზე ვერც უარყოფს და ვერც დაადასტურებს.
“ჩვენ ამ ეტაპზე ვერც დავადასტურებთ და ვერც ვუაყროფთ, ზემოხსენებულ გარემოებებს. გამოძიებით ჯერჯერობით დადგენილი არ არის. ამ ვერსიის უტყუარობა და ავთენტურობა. ასევე ის ჰქონდა თუ არა რაიმე წინასწარი ინფორმაცია აზერბაიჯანის მხარეს და ახორციელებდნენ თუ არა საზღვრის ამ კონკრეტულ მონაკვეთზე გაძლიერებულ კონტროლს”, – აცხადებს მღებრიშვილი.
ამასთან შსს მინისტრი გამოეხმაურა აფგან მუხთარლის მეუღლე ლეილა მუსტაფაევასა და მუხთარლის ადვოკატის ვერსიებს.
შსს მინისტრი ადვოკატის განცხადებას ცალხმრივსა და დაუსაბუთებელს უწოდებს, რომელიც გარკვეულმა პირებმა აიტაცეს და “ყოველგვარი ფაქტობრივი მტკიცებულებების გარეშე ხდება ამ ვერსიის ტირაჟირება.”
“ჩვენ კარგად გვესმის ჩვენი მოქალაქეებისა და ზოგიერთი ორგანიზაციის ემოციური დამოკიდებულება ამ საკითხისამდი, თუმცა ამგვარი დამოკიდებულების მიუხედავად, არასწორად და დაუშვებლად მიგვაჩნია, საქმეზე წინასწარი დასკვნების გაკეთება, მით უმეტეს ქვეყნის უსაფრთხოებაზე პასუხისმგებელი უწყებების დისკრედიტაციის მცდელობა. სრული პასუხისმგებლობით ვაცხადებ, რომ საქმის ამგვარ ვერსიასთან საქართველოს სამართალმდაცავ უწყებებს არავითარი შემხებლობა არ აქვთ და არც შეიძლება ჰქონდეთ.
ჩვენ ქვეყანაში ბევრი აზერბაიჯანელი ცხოვრობს და სახელწმიფო არასდროს დაინტერესებულა მათი აზერბაიჯანის ხელისუფლებისადმი დამოკიდებულებით. ხაზგასმით აღვნიშნავ, რომ აზერბაიჯანელ პარტნიორებსაც არასდროს მოუმართავთ საქართველოს შსს-ითვის ოფიციალური ან არაოფიციალური თხოვნით, პოლიტიკური შეხედულებების გამო აზერბაიჯანის მოქალაქეების უფლებების რაიმე ფორმით შეზღუდვაზევ ან სამშობლოში მათ იძულებით დაბრუნებასთან დაკავშირებით.
არც თავად აფგან მუხთარლის მხრიდან დაფიქსირებულა შესაბამისი უწყებებისადმი რაიმე მიმართვა მისი პირადი უსაფრთხოების საკითხებთან დაკავშირებით. საქართველოს სახელმწიფოს ინტერესშია ამ საქმეზე არავითარი შეკითხვა არ დარჩეს. გამოძიებით დადგინდება ფაქტობრივი გარემოებები და ყველა შეკითხვას შესაბამისი პასუხი გაეცემა”, _ განაცხადა შინაგან საქმეთა მინისტრმა.
აფგან მუხთარლი თბილისიდან 29 მაისს გაუჩინარდა. სახლიდან გავიდა და არ დაბრუნებულა. მოგვიანებით, ცნობილი გახდა, რომ ის ბაქოში გადაიყვანეს და ბრალი სამი მუხლით წაუყენეს. ბაქოს სასამართლომ ჟურნალისტს 3-თვიანი წინასწარი პატიმრობა შეუფარდა.
აზერბაიჯანელი ჟურნალისტის, აფგან მუხთარლის საქმესთან დაკავშირებით, საქართველოს შსს-მ გამოძიება დაიწყო საქართველოს სსკ-ს 143-ე მუხლით, რაც თავისუფლების უკანონო აღკვეთას გულისხმობს. სახელმწიფო უსაფრთხოების სამსახურის ხელმძღვანელის ვახტანგ გომელაურის განცხადებით, აზერბაიჯანელი ჟურნალისტი „მწვანე საზღვარზე“ დააკავეს და არა გამშვებ პუნქტზე.
აფგან მუხთარლი საქართველოსა და აზერბაიჯანის წინააღმდეგ ევროსასამართლოს მიმართავს.
ამ წუთებში სუს-ის შენობასთან აზერბაიჯანელი ჟურნალისტის მხარდასაჭრი აქცია ხმაურით მიმდინარეობს.
