ვერძი
სიდედრისა და ვერძი-სიძის ურთიერთობა მოარულ წვერებიან თუ ცინცხალ ანეკდოტებს გაგახსენებთ. თავდაპირველად ისინი დამეგობრდებიან და ერთმანეთის ქება-დიდებაშიც იქნებიან, მაგრამ შემდეგ ნათელს ბნელი შეცვლის. სიდედრის კრიტიკის საპასუხოდ ვერძი-სიძე უტაქტო და უხეში იქნება და შესაძლოა, მას ასაკიც კი შეახსენოს.
საქმე ისაა, რომ სიძე-ვერძი სიდედრს თავიდანვე მტრად, კონფლიქტებისა და ჩხუბის ინიციატორად აღიქვამს. კარგი იქნება, თუ ვერძის სიდედრი ასი კილომეტრის მოშორებით იცხოვრებს ახალგაზრდა ოჯახისგან…
მეორეც, ვერძი – ძალაუფლების მოყვარე მამაკაცია, ერთმნიშვნელოვნად ლიდერია ოჯახში. ამიტომაც სიდედრი-გენერალი მას არაფერში სჭირდება.
კურო
სიძე-კუროსა და სიდედრს შორის ურთიერთობა ძალიან ნელა ვითარდება. სიძე იშვიათად მიმართავს სიდედრს და ისიც მხოლოდ საქმიანად. სიდედრის რჩევებს და მით უმეტეს მოთხოვნებს ერთი ყურში უშვებს და დაინტერესებას მხოლოდ მაშინ გამოხატავს, როცა სიდედრისგან რაიმე თავისთვის სასიკეთოს მოელის. მაგალითად, როცა ცოლის დედა ახალგაზრდა ოჯახს მატერიალურად ეხმარება. საერთო ჯამში, მისთვის სიდედრის ფინანსური სტატუსი გადამწყვეტია.
ტყუპი
ტყუპი-სიძე სიდედრის მიმართ განსაკუთრებულ პატივისცემას არ გამოხატავს. ურთიერთობაში მსუბუქი გულგრილობა შეიმჩნევა. უფრო ზრდასრულ ტყუპ-სიძეებში მეტად შესაძლებელია, სიდედრმა საერთო ენა გამონახოს, მაგრამ თუ ზედმეტს არ ილაპარაკებს და ახალგაზრდა ოჯახის ცხოვრებაში აშკარად არ ჩაერევა. რადგანაც ტყუპი-სიძე თავისუფლებისმოყვარე და დამოუკიდებელია, მას გააღიზიანებს ცოლის მიერ დედის გაიდეალება.
კირჩხიბი
სიძე-კირჩხიბი შეიძლება იყოს ძალიან საყვარელი, გულისხმიერი და მზრუნველი. ყოველთვის მზად არის, მოისმინოს სიდედრის რჩევა, გვერდში დაუდგეს მას ან თანაუგრძნოს გაჭირვების ჟამს. გიჟდება, როცა მეორე დედიკო მას გემრიელი ოჯახური კერძებით ანებივრებს, მაგრამ ძალიან ბუტიაა და შესაძლოა, საბოლოოდ შეიძულოს უჟმური და უტაქტო სიდედრი, რომელიც ქალიშვილის ქმარში მხოლოდ უარყოფითს ხედავს.
ლომი
არცერთ სიძე-ლომს არ მოეწონება, თუ მის ოჯახში სხვა გასცემს ბრძანებებს, მით უმეტეს, თუ ეს სხვა სიდედრი იქნება. სიძე-ლომი ყველანაირად ამყარებს “ოჯახის უფროსის” სტატუსს. თუ სიდედრი ლიდერობაზე განაცხადებს პრეტენზიას, ოჯახში ურთიერთობა ძალიან დაიძაბება. უვნებელი, გულუხვი და გულისხმიერი სიდედრის ყოლის შემთხვევაშიც სიძე-ლომი უარყოფითად იქნება ცოლის დედიკოს მიმართ განწყობილი, რადგან ვერ აიტანს, რომ ის მის მეუღლეზე რამენაირად მაინც იქონიებს გავლენას.
მაშინვე ლიკვიდაციას გაუკეთებს სიდედრს, რომელიც “რუხი კარდინალის” როლში გამოვა. ლომი აუცილებლად შეეცდება იმის გარკვევას, რა ხდება მის ზურგსუკან და რას ლაპარაკობენ მასზე. და თუ სიდედრი მას არც ისე კარგად მოიხსენიებს, ურთიერთობა საბოლოოდ გაფუჭდება.
ქალწული
სიძე-ქალწული თავიდანვე ეგუება სიდედრის არსებობას. მას ისე ეპყრობა, როგორც გარდაუვალ რეალობას, რომლის შეცვლაც შეუძლებელია და აზრს მოკლებული. მისთვის სიდედრი ბოროტებისა და უსამართლობის განსახიერება არ არის. ის აღიარებს მას, შეგნებით ეკიდება მის უფლებას, ჰქონდეს საკუთარი აზრი და ცდილობს, თავი აარიდოს კონფლიქტებს. სიდედრი ვერასოდეს გაიგებს, რომ შესაძლოა მის სიძეს აღიზიანებს ყველაფერი – სიდედრის ხმიდან დაწყებული, მის მიერ მომზადებული სადილებით დამთავრებული.
სასწორი
სასწორი – ყველაზე დიპლომატი სიძეა. მასთან პირველი შეხვედრები ჰგავს მოლაპარაკებებს, რომელშიც ის სიმშვიდესა და მეგობრულ განწყობას ინარჩუნებს, თუმცა ზედმეტი დითირამბების გარეშე. თუ სიდედრს არ მოსწონს ქალიშვილის არჩევანი ან ის ნეგატიურად არის განწყობილი სიძის მიმართ, სასწორი შეეცდება, თავი მოაწონოს ცოლის დედას. სასწორი-სიძე ფლობს კომპრომისზე წასვლის, კონფლიქტის მოგვარების ხელოვნებას და ხანდახან დედასა და ქალიშვილს შორის მშვიდობის მტრედადაც გვევლინება. ერთადერთი, რასაც სიძე-სასწორი ვერ აიტანს, სიდედრის ჩარევას მათი ოჯახური ბუდის მოწყობასა და ბავშვების აღზრდაში.
მორიელი
ძალიან მნიშვნელოვანია, როგორ აღიქვამს სიდედრი თავის სიძე-მორიელს. მორიელი ინტუიციურად გრძნობს მისდამი დამოკიდებულებას, ასკანერებს ამ ყველაფერს და სიდედრი ამის შემდეგ თავისი ჭეშმარიტი გრძნობისა და ემოციის დაფარვას სიძისგან ვეღარასოდეს შეძლებს.
თავდაპირველად, როგორც სხვა საწინააღმდეგო სქესის წარმომადგენლებს, მორიელი სიდედრის მოხიბვლასაც შეეცდება, მაგრამ თუ სიდედრი – “კერკეტი კაკალია” და ამასთან, გრძელი ენაც აქვს, მაშინ მორიელმა შესაძლოა, დიდი ხნით ჩაიდოს გულში წყენა და ადრე თუ გვიან ის ამას უხეში და არაადეკვატური საქციელით გამოხატავს.
კონფლიქტის მეორე მხარე ის არის, რომ მორიელი ძალიან ეჭვიანია. ამიტომაც მისთვის უკუნაჩვენებია სიდედრი, რომელიც აქტიურად ერევა ქალიშვილის ცხოვრებაში. სიძე-მორიელმა შესაძლოა იეჭვიანოს სიდედრზე, რომელიც განსაკუთრებული სითბოთი და მზრუნველობით ეპყრობა საკუთარ ქალიშვილს.
მშვილდოსანი
მშვილდოსანს კარგად ესმის, რომ როგორც ყველა დედა, სიდედრიც ნერვიულობს საკუთარ შვილზე. ამიტომაც მოთმინებით ეკიდება ყველა მის რჩევას, ნოტაციასა და საყვედურებსაც კი, თუ ის დამსახურებულად არის ნათქვამი. სიდედრის გაუთავებელ კრიტიკას მშვილდოსანი შესაშური იუმორით ეკიდება.
ის ხომ არასოდეს შეიცვლის საკუთარ ჩვევებსა და გემოვნებას იმისათვის, რომ გარშემომყოფებს მოაწონოს თავი. მაგრამ რაც მეტად ერევა სიდედრი მის საქმეებში, მით მეტად გაურბის მშვილდოსანი-სიძე მას, ურთიერთობა კი უფრო და უფრო ცივი და ლაკონური ხდება.
თხის რქა
თხის რქა – ყველაზე პატივმოყვარე სიძეა. ვერ იტანს, როცა სიდედრი ამცირებს მას საკუთარი ცოლის თვალში. სიდედრმა პატივი უნდა სცეს სიძეს, მის საქმიანობას, არ გააკრიტიკოს მისი შეხედულებები ცხოვრებაზე და მისი ფასეულობები. მაგრამ უნდა ითქვას, რომ თუ კრიტიკა კეთილგანწყობილია, მაშინ თხის რქა ბევრად შეგნებულად მოიქცევა, ვიდრე სხვა ნიშნის წარმომადგენელი სიძეები.
ყოველ შემთხვევაში, ღია კონფლიქტის დროსაც კი სიძე-სიდედრის დიალოგი არ გასცდება კონსტრუქციულობისა და ზრდილობის ზღვარს. თხის რქა ხომ უფროსებისა და მასზე ბევრად გამოცდილი ადამიანების მიმართ პატივისცემის გრძნობით გამოირჩევა.
მერწყული
მერწყული – ყველაზე კონტაქტური სიძეა. უპირატესობას ანიჭებს მეგობრულ ურთიერთობას სიდედრთან და ვერ იტანს, როცა მასზე ზეგავლენის მოხდენას ცდილობენ. სიდედრს მეფური გამოხდომებით, მბრძანებლური ტონით და ახალგაზრდა ოჯახის გაკონტროლების მცდელობით შეუძლია დაანგრიოს საკუთარი შვილის ოჯახი.
ფსიქოლოგიური დისკომფორტისა და შეზღუდვის შემთხვევაში, ამ ნიშნის წარმომადგენელ მამაკაცებს სურვილი უჩნდებათ, უკანმოუხედავად, ყოველგვარი ახსნა-განმარტების გარეშე გაიქცნენ ოჯახიდან.
თევზები
თევზები – ერთადერთი ნიშანია, რომელიც მეტ-ნაკლებად ეგუება პრეტენზიულ ან ძალაუფლებისმოყვარე სიდედრს, მაგრამ სიდედრს ყოველთვის აქვს ის შეგრძნება, რომ მის სიძეში რაღაც ისეთია დაფარული, რომელიც მის ქალიშვილს კარგისკენ არ მიიყვანს. სინამდვილეში, თევზ-სიძესთან რთული არ არის თბილი, ნდობით აღსავსე ურთიერთობის ჩამოყალიბება.
მშვიდობისმოყვარე და მზრუნველმა სიდედრმა შეიძლება სიძის სახით გულითადი და ყურადღებიანი მეგობარი შეიძინოს. განსაკუთრებული შემთხვევა: თუ სიდედრი – რაციონალური პიროვნებაა, სიძე კი – შემოქმედებითი ადამიანი ან პროფესიით არის ხელოვანი, მათ შორის ურთიერთობა ძალიან დაძაბულია, ან საერთოდ არ არსებობს.
