ექსტრემალური სიცხის მიმართ ქალები უფრო მოწყვლადები არიან, ვიდრე კაცები – სიცხის ტალღების დროს ქალების გარდაცვალების რისკი უფრო მაღალია. ექსპერტები ამას გულ-სისხლძარღვთა სისტემის მუშაობის და ოფლის გამოყოფის განსხვავებულ ინტენსივობას უკავშირებენ.
მეცნიერებმა საფრანგეთში დაფიქსირებული სიცხის ტალღის შედეგები შეისწავლეს. აღმოჩნდა, რომ თანაბარი ასაკის გათვალისწინებით ქალებს შორის სიკვდილიანობა 15%-ით უფრო მაღალია, ვიდრე კაცებში.
სიცხე განსაკუთრებით საშიშია ასაკოვანი ქალებისთვის, თუმცა ასაკი მთავარი რისკ ფაქტორი არაა.
„მოხუცები ახალგაზრდებთან შედარებით ორჯერ უფრო ნაკლებ ოფლს გამოყოფენ, ხოლო ქალები – ორჯერ უფრო ნაკლებს, ვიდრე კაცები. შესაბამისად, ასაკოვანი ქალის სხეული ყველაზე მეტად ინარჩუნებს სიცხეს. გარდა ამისა, გულ-სისხლძარღვთა დატვირთვა ქალებში უფრო მაღალია, რაც სიცხეში სიკვდილიანობის უფრო მაღალ რისკს განაპირობებს“, – ამბობს კვლევის ერთ-ერთი ავტორი ჰაინ დაანენი.
ავტორი
