სოკოვანი ინფექცია, რომელიც ძნელად განკურნებადია, “საგანგაშო” სისწრაფით ვრცელდება, ამბობს აშშ-ს დაავადებათა კონტროლისა და პრევენციის ცენტრი (CDC).
აშშ-ს შემთხვევები თითქმის გაორმაგდა 2021 წელს 756-დან 1471-მდე, _ნათქვამია CDC მოხსენებაში.
როგორც აშშ-ს ჯანდაცვის ცენტრში აცხადებენ, ჯანმრთელ ადამიანებს Candida auris-ის რისკი არ ემუქრებათ, მაგრამ სუსტი იმუნური სისტემის მქონე პირებს ავადმყოფობა მძიმედ გადააქვთ ან იღუპებიან.
ამ მიზეზით CDC უწოდა მას “გადაუდებელი ანტიმიკრობული წინააღმდეგობის საფრთხე”. ბევრი პაციენტი საავადმყოფოებსა და მოხუცთა თავშესაფრებში იმყოფება.
_ ინვაზიური ინფექციით დაავადებული ყოველი მესამე პაციენტი იღუპება, მაგრამ ძნელია ზუსტად შეაფასო Candida auris-ის როლი დაუცველ პაციენტებში, _ თქვა CDC ეპიდემიოლოგმა დოქტორ მეგან ლიმანმა.
ინფექცია პირველად აშშ-ში 2016 წელს დაფიქსირდა. შემთხვევების ყველაზე სწრაფი ზრდა დაფიქსირდა 2020 წლიდან 2021 წლამდე.
შეშფოთების კიდევ ერთი მიზეზი იყო შემთხვევების ზრდა, რომლებიც გახდნენ “რეზისტენტული ექინოკანდინების მიმართ”, რომლებიც ყველაზე მეტად რეკომენდებულია ინფექციის სამკურნალოდ.
დოქტორმა ლაიმანმა განუცხადა CBS News-ს, რომ ინფიცირების შემთხვევების ზრდა ხაზს უსვამს მუდმივი მეთვალყურეობის, გაფართოებული ლაბორატორიული შესაძლებლობების, უფრო სწრაფი დიაგნოსტიკური ტესტების და ინფექციის დადასტურებული პრევენციისა და კონტროლის საჭიროებას.
სხვა ქვეყნებში ასევე აღინიშნება Candida auris შემთხვევების ზრდა.
გასულ წელს ჯანდაცვის მსოფლიო ორგანიზაციამ ის „სოკოვანი პრიორიტეტული პათოგენების“ სიაში შეიტანა.
