ერევნის კონიაკის ქარხანამ (YBC), რომელიც ეკუთვნის ფრანგულ კომპანია Pernod Ricard-ს, შეწყვიტა პროდუქციის ექსპორტი რუსეთში – ამის შესახებ განაცხადა სომხეთის ეკონომიკის მინისტრმა ვაჰან კერობიანმა.
„ოფიციალური მონაცემები არ მაქვს, მაგრამ, როგორც ჩანს, ოფიციალურია: YBC შეწყვეტს ექსპორტს რუსეთში. ამან შეიძლება გავლენა მოახდინოს ყურძნის მოსავლის შესყიდვაზე და ჩვენ უნდა დავაკვირდეთ სიტუაციას და საჭიროებისამებრ ვუპასუხოთ“, – განაცხადა კერობიანმა სომხეთის ეკონომიკურ საკითხთა საპარლამენტო კომისიის სხდომაზე.
მისივე თქმით, ქვეყანაში სულ უფრო ხშირად ირგვება ღვინის ჯიშები და სომხეთში კონიაკზე ორიენტირებული მევენახეობა ისე სრულად აღარ დომინირებს, როგორც 10-15 წლის წინ. ეს იძლევა წარმოების დივერსიფიკაციის საშუალებას
ცნობისთვის, Pernod Ricard ფლობს ათობით ბრენდს, მათ შორისაა კონიაკი Ararat, Chivas Regal ვისკი, Jameson, Ballantine’s, Olmeca Tequila, Havana Club რომს და არაყ Absolut. ფრანგული კომპანია ითვლება ალკოჰოლური სასმელების სიდიდით მეორე მსოფლიო მწარმოებელად ბრიტანული Diageo-ს შემდეგ.
2022 წლის მარტში კონცერნმა შეაჩერა ალკოჰოლის ექსპორტი რუსეთში, მაგრამ უკვე მიმდინარე წლის აპრილში შვედურმა გამოცემამ Kristianstadsbladet-მა გაავრცელა ინფორმაცია , რომ Pernod Ricard-მა გადაწყვიტა განაახლოს Absolut არყის მიწოდება. ერთი კვირის შემდეგ კომპანიამ თანამშრომლების კრიტიკის გამო მიატოვა მიწოდება
ერევნის კონიაკის ქარხანა (YBC) არის სომხეთის წამყვანი საწარმო ალკოჰოლური სასმელების წარმოებაში და ლიდერია სომხური კონიაკის წარმოებისა და ექსპორტის მხრივ.
კონიაკის ქარხანა 1998 წლიდან ფრანგულ კომპანიას ეკუთვნის და რუსეთში კონიაკის ექსპორტის შეწყვეტის შესახებ გადაწყვეტილება სწორედ მან მიიღო.
ავტორი
