სომხეთის პრემიერმა, ნიკოლ ფაშინიანმა დაადასტურა, რომ ქვეყანაში შესვლა აუკრძალეს რუს პროპაგანდისტს, RT-ის მთავარ რედაქტორ მარგარიტა სიმონიანსა და ტაბლოიდ Life tabloid -ის დამფუძნებელ არამ გაბრელიანოვს.
„ევროპული პრავდას“ ცნობით, ამის შესახებ ფაშინიანმა რუსული პროპაგანდისტული გამოცემის Sputnik სომხეთის კითხვის პასუხად განაცხადა.
“სომხეთი სუვერენული სახელმწიფოა და უფლება აქვს ელოდებოდეს მის მიმართ პატივისცემას. სომხეთს ასევე აქვს უფლება გამოიყენოს თავისი სუვერენული მექანიზმები მისი ინტერესების საწინააღმდეგო განზრახვების შემთხვევაში”, – თქვა ფაშინიანმა.
სომხეთის პრემიერ-მინისტრმა, ასევე აღნიშნა, რომ ასეთმა ადამიანებმა პატივი უნდა სცენ სომხეთს და მისი ხალხის მიერ არჩეულ მთავრობას.
„ასევე მინდა თქვენი ყურადღება გავამახვილო ერთ ფაქტზე: ამ ადამიანებმა თავიანთი ქვეყნების წინააღმდეგ ქმედებების ერთი პროცენტი მაინც რომ ჩაიდინონ, რაც სომხეთის წინააღმდეგ ჩაიდინეს, საკუთარ სახლშიც კი ვერ შევიდოდნენ. და ამით ყველაფერი ნათქვამია. “- აღნიშნა ფაშინიანმა.
ამასთან, მან არ დააკონკრეტა, თუ ვის აუკრძალეს სომხეთში შესვლა, გარდა სიმონიანისა და გაბრელიანოვისა და განმარტა, რომ ამ საკითხთან დაკავშირებით კომპეტენტური სტრუქტურები მუშაობენ.
სიმონიანმა ფაშინიანს “გონჯი” უწოდა და თქვა, რომ როგორც “წმინდასისხლიანი სომეხი” არ აპირებდა სომხეთში წასვლას მოქმედი პრემიერის დროს. სიმონიანმა დაწერა, რომ ფაშინიანი სომეხი ხალხის მოღალატე და CIA-ის ნაგავია.
„არასდროს არაფერი მითქვამს არცერთ დერეფანზე, მაგრამ მე ვთქვი და ვისაუბრებ პირადად ფაშინიანზე – რომ ის არის სომეხი ხალხის მოღალატე, რომ მან გაყიდა და უღალატა ყველა სომხურ ინტერესებს, რომელთა ღალატი და გაყიდვა შეეძლო. გაყიდის და უღალატებს მათ, სძულს რუსეთი და ატყუებს პუტინს, რომ ის არის CIA ნაგავი უპატიოსნო და სინდისის გარეშე, როგორც CIA-ს ყველა ნაგავი“, – წერს სიმონიანი თავის Telegram- არხში .
აღსანიშნავია, რომ ბოლო თვეებში რუსეთსა და სომხეთს შორის ურთიერთობები გაცივდა იმ ფონზე, როდესაც მოსკოვმა უარი თქვა ერევნის მხარდაჭერაზე არაღიარებული მთიანი ყარაბაღის რეგიონში ბოლო კონფლიქტებში.
ავტორი
