მისი მეუღლის კომენტარს, რომლის თანახმადაც ვადაჭკორია დღეიდან მისი მოწინააღმდეგეა, პირველად ჩვენთან პასუხობს მიმართვის ადრესატი:
“მე “რესპუბლიკური პარტიის” წევრი 15 წელზე მეტია ვარ და ამჟამად ამ პარტიის ოზურგეთის რაიონული ორგანიზაციის თავმჯდომარე ვარ. ქალბატონი თამარი, ჩემი მეუღლე, როგორც თქვენ მოიხსენიებთ, 2012 წლიდან ჩაერთო პოლიტიკაში. მანამდე არ აინტერესებდა. ეს ნაბიჯი მას შემდეგ გადადგა, რაც ბატონი ბიძინა ივანიშვილი მოვიდა პოლიტიკაში და მისი ადგილი ამ გუნდში დაინახა.
მით უმეტეს, რომ რესპუბლიკური პარტიაც “ქართული ოცნების” ბლოკში შედიოდა. თამარ მისი ხედვა ჰქონდა, მას მისი. ჩვენ, ერთი ოჯახის წევრები, სხვადასხვა ხედვით ვიყავით ამ პოლიტიკაში. თუ დემოკრატიულ პროცესებს და მიმართულებებს ავირებთ ახლა, დემოკრატიული მიმართულებაც იმას ითვალისიწნებს, რომ ყველა ადამიანს აქვს უფლება მისი ხედვა ჰქონდა და აზრის თავისუფლება. მე მაგ კუთხით, ჩემი მეუღლისთვის ხელი არასდროს შემიძლია”, _ ამბობს ვადაჭკორია ჩვენთან საუბრისას.
მისივე თქმით, დაგმობა ემოციური ნათქვამია:
“ქალბატონი თამარი ამბობს, რომ მე ვარ მისი მოწინააღდეგე. თავად ამბობს ამას. მე არ მითქვია. ბევრი რაღაცეები იმალება განცხადებების იქით. პოლიტიკა ერთია და საქმე მეორე”, _ აღნიშნავს ვადაჭკორია.
ვლადიმერ ვადაჭკორიას თქმით, და ეს ყველაფერი მათ პირად ცხოვრებაზე არ იმოქმედებს:
“ჩვენ პოლიტიკის გარეშეც ბევრი პრობლემები გქვონდა ცხოვრებაში. იყო წლები, რომ ცალ-ცალკე ვცხოვრობდით, იმის გამო, რომ ოჯახები შეგვენახა და არა მგონია ახლა, რომ სალომე ზურაბიშვილი ან გრიგოლ ვაშაძე ჩვენს შორის ჩაგდეს. მე მესმის თქვენი, ჟურნალისტი ხართ და ამ კითხვებს სვამთ და თქვენი მისამართით არ ვამბობს, მაგრამ სისულელეა, რომ ახლა, 31 წლიანი ურთიერთობა პოლიტიკამ დაანგრიოს”, _ გვითხრა ვადაჭკორიამ.
თამარ დუბაძის განცხადება ვრცალდ იხილეთ ლინკზე: მერიის სოციალური სამსახურის უფროსი: ვგმობ ჩემი მეუღლის განცხადებას და დღეიდან ჩემი მოწინააღმდეგეა
