სოციალური საწარმო „არჩივი“ ახალგაზრდების განათლების, განვითარების, შემეცნების და თვითრეალიზაციის სამსახურში

ჩვენი კაფე ღიაა ყველასთვის

„სოციალური კაფე გეგმავს ახალგაზრდებისთვის, არაერთი საინტერესო პროექტის გახორციელებას და ამ ყველაფერში აქტიურად ვიქნებით ახალგაზრდები ჩართულები.“ – გვითხრა ანა ცენტერაძემ.

მისივე თქმით, სოციალურ კაფეში  პირველ რიგში საქმდებიან ახალგაზრდები:

ანა ცენტერაძე: ეს არის კაფეს ერთ-ერთი პრიორიტეტი. მოცემული კაფე იმასაც მოიაზრებს, რომ ჩვენს გარე სივრცეში სხვადასხვა აქტივობა და ღონისძიებები გაკეთდება. ამ კუთხით უკვე იყო რამდენიმე ფილმის ჩვენება და ძალიან ბევრი ხალხი იყო და ვფიქრობ, რომ ოზურგეთში ეს ერთ-ერთი სივრცეა მსგავსი ღონისძიებებისთვის. ცოტა ხნის გახსნილია, მაგრამ ჩვენი ძირითადი მომხმარებლები ახალგაზრდები არიან. თუმცა ეს იმას არ ნიშნავს, რომ უფროსი ასაკის ადამიანებს არ შეუძლიათ მოსვლა. ჩვენი კაფე ღიაა ყველასთვის, უბრალოდ, ახალგაზრდების აქტიურობა უფრო იგრძნობა.

ემიგრანტი მარიამი „არჩივის“ პოპულარიზაციაში ჩაერთო

ანასგან განსხვავებით 9 წლის მარიამი ამ ეტაპზე ემიგრაციაში და ამ კაფეს ხშირი სტუმარი არ იქნება. კაფეს პოპულარიზაციისთვის უკვე პატარა წვლილი მაინც შეიტანა და მის ფეისბუქგვერდზე იტალიურად ვლოგი ჩაწერა და გაავრცელა. 9 წლის მარიამ ბოკუჩავა,

ვიდეოში მარიამი ამბობს, რომ კაფეში  არიან დასაქმებულები ადგილობრივი ახალგაზრდები და მათ ექნებათ ხელფასი.  მისივე თქმით, მიირთვა უგემრიელესი პიცა.

„ ბერნადოს პიცის გემო ჰქონდა (იტალიაში ბერნადოს პიცერია ძალიან პოპულარობით სარგებლობს) და უგემრიელესი იყო. საუკეთესო ადგილია კერძების დასაგემოვნებად“ – ამბობს მარიამი. (აქ იქნება ვიდეო მარიამის)

მისივე თქმით, ქართველებიც გემრიელ პიცას აკეთებენ, როგორც იტალიაში.

ვიდეოში ასევე ადამიანებს მოუწოდებს ტურისტებს აუცილებლად ჩამოვიდნენ საქართველოში და  აუცილებლად ეწვიონ ქალაქ ოზურგეთს და დააგემოვნონ „არჩივი“ https://www.facebook.com/archiveozurgeti  კაფეში მომზადებული კერძები და კოქტეილები.

რა უნდა ვიცოდეთ სოციალური კაფე „არჩივის“ შესახებ

„ღია სივრცე“ – ადგილი, სადაც ახალგაზრდებს აქვთ შესაძლებლობა, რომ შეიკრიბონ, დაგეგმონ და განახორციელონ აქტივობები, ან უბრალოდ, გაერთონ და გაატარონ თავისუფალი დრო, „პროგრესის სახლი“-ს, „სტუდენტურ-ახალგაზრდული სათათბირო“-ს და „საქართველოს ევროკლუბები“-ს მიერ იქნა დაფუძნებული 2021 წელს. სივრცე განთავსებულია „პროგრესის სახლი“-ს ფართში, რომელიც ასევე კომუნალური გადასახადების დაფარვასა და საოფისე ხარჯების უზრუნველყოფით ეხმარება სივრცეს; პროექტებისათვის თანხების მობილიზაციას „სტუდენტურ-ახალგაზრდული სათათბირო“ უზრუნველყოფს; ხოლო ახალგაზრდების საქმიანობის კოორდინაციას და აქტივობების მხარდაჭერას ახდენს „საქართველოს ევროკლუბები“.

„ღია სივრცეს“ დაფუძნება/განვითარებაში ძალიან ბევრმა ქართველმა ახალგაზრდემბა და ევროპელი მოხლისეებმა შეიტანა საკუთარი წვლილი. პირველი მხარდამჭერი იყო ფონდი „პროდემოსი“, რომლის დახმარებით მოხდა პირველი სართულის კეთილმოწყობა. შემდეგ „სოლიდარობის ფონდი საქართველო“-ს მიერ განხორციელებული პროექტის ფარგლებში კეთილმოეწყო და ადაპტირდა სივრცის გარე პერიმეტრი და მოხდა არსებული ღია ფართის გადახურვა. მნიშვნელოვანია ის გრემოება, რომ ეზოს იერსახე და ფუნქციონალური დატვირთვა თავად ახალგაზრდებმა განსაზღვრეს და შეიმუშავეს.

ხოლო ევროკავშირის დაფინანსებით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში, რომელსაც საქართველოს სტრატეგიული კვლევებისა და განვითარების ცენტრი (CSRDG) პარტნიორ ორგანიზაციებთან ერთად ახორციელებს, მხადაჭერილი იქნა სოციალური კაფე “არჩივი”-ის დაფუძნება/კეთილმოწყობა. აღსანიშნავია, რომ ოზურგეთის მერიამც თავისი წვლილი შეიტანა კაფეს მხარდაჭერაში და სოციალური მეწარმეობის  მხარდაჭერის პროგრამის ფარგლებში აღჭურვილობა შეუძინა.

ხაზი უნდა გავუსვათ იმ გარემოებას, რომ „არჩივი“ არის სოციალური კაფე, რაც იმას ნიშნავს, რომ მოგება მოხმარდება ახალგაზრდების აქტივობების მხადაჭერას და „ღია სივრცე“-ში ახალგაზრდებს კვლავ შეუძლიათ გახდნენ როგორც ახალგაზრდებისკენ მიმართული ღონისძიებების ინიციატორები, ასევე სივრცის ეგიდით მიმდინარე აქტივობების მონაწილეები და მოსარგებლეები.