გუშინ, 2 თებერვალს, “თბილისი მოლთან” საპროტესტო აქციებში მონაწილე ადამიანების მიმართ შეურაცხყოფის, ცემის, ძალადობის და არასათანადო მოპყრობის უამრავ ფაქტს, სავარაუდოდ, რეაგირება არ მოჰყვება.
ახლახან, სპეციალური საგამოძიებო სამსახურის განცხადება გავრცელდა, რომელიშიც წერია: “სპეციალურ საგამოძიებო სამსახურში, 2025 წლის 2 თებერვალს, ქ. თბილისში, დავით აღმაშენებლის ხეივანზე გამართული საპროტესტო აქციის მონაწილეების მიმართ, შინაგან საქმეთა სამინისტროს თანამშრომლების მხრიდან სამსახურებრივი უფლებამოსილების ძალადობით შესაძლო გადამეტების ფაქტებთან დაკავშირებით, გამოძიება საქართველოს სისხლის სამართლის კოდექსის 333-ე მუხლის მე-3 ნაწილის ,,ბ” ქვეპუნქტით დაიწყო.
სამსახური მომხდარ ფაქტებზე შეტყობინებებს ცხელი ხაზის მეშვეობით, დროებითი მოთავსების იზოლატორებიდან და სახალხო დამცველის აპარატიდან იღებს და ახდენს შესაბამის სამართლებრივ რეაგირებას. იგეგმება და ტარდება საგამოძიებო და საპროცესო მოქმედებები.
გამოძიების მიმდინარეობისა და შედეგების შესახებ ინფორმაცია საზოგადოებას ეტაპობრივად მიეწოდება”.
როგორც წესი, სპეციალური საგამოძიებო სამსახური მხოლოდ ზოგადი განცხადებებით შემოიფარგლება.
