“სულში ჩვეულებრივი ფორიაქია” _ ხობის პირველი სკოლის დირექტორის ემოციური პოსტი

ხობის #1 საჯარო სკოლის დირექტორი ქეთევან გაბისონია სკოლის დაწყებას ულოცავს მოსწავლეებსა და პედაგოგებს. დირექტორი ემოციურ პოსტს ავრცელებს.

…ამ დილითაც სულში ჩვეულებრივი ფორიაქია, სასწავლო წლის დაწყებას რომ ახლავს ხოლმე. … გასაღებს ვიღებ ხელში. შეკითხვაზე : ,,სად მიდიხარ?… ვპასუხობ, რომ სკოლაში. მერამდენე წელია ამ გზას მივუყვები წლის ამ დღეს, მაგრამ ეს დღე სხვებისგან განსხვავებულია. არცერთი მოსწავლე, მშობელი , მასწავლებელი არ გვხვდება სკოლისკენ მიმავალი, ონლაინ შესახვედრის დასაწყებად ემზადებიან და ლოგიკურად, ვინ უნდა შემხვედროდა. გზად ეკლესიას გავდივარ . გონებაში გაბრიელა მისტრალის სიტყვები ამოტივტივდა ,,იფიქრე იმაზე, რომ ღმერთმა მოგმადლა ხვალინდელი დღის შექმნის ნიჭი.“

სკოლის ეზოში შევდივარ…ისევ იგივე განცდა, რომ რაღაც ბოლომდე ვერ მოვასწარით … ძალიან ლამაზია ჩვენი სკოლის ეზო, ჩიტების ჭიკჭიკიც ისმის, ფოთლებს შორისაც მზის სხივები საოცარი სილამაზით აღწევენ, მაგრამ …არც ბროწეულის ხესთან ისმის მხიარული შეძახილები, არც ნაძვის ხეივანშია ჟრიამული… კიბეებზე ავდივარ, დერეფნის სიჩუმეში თითქოს ვიკარგები, ვაღებ სამასწავლებლოს კარებს და 2021-2022 სასწავლო წლის დაწყების ზარს ვრეკავ. გილოცავთ!

ჩემო ძვირფასო მოსწავლეებო, მშობლებო წარმატებული წელი ყოფილიყოს.

ვულოცავ ჩემს კოლეგებს, პროფესიონალებს, საკუთარი საქმის ერთგულებს ,რომლებიც ყოველთვის მზად არიან სიახლეების მისაღებად და იღწვიან თითოეული მოსწავლის წარმატებისთვის. …მოვდივარ…იქვე ნაძვების ხეივანში ჩამოვჯექი…კედელზე წარწერა უკვე რამდენი წელია რომ არის…მაშინ მახსოვს ,ამაზე როგორ გავბრაზდი…ეხლა სულ სხვა თვალით შევხედე ამ ყველაფერ…ალბათ ვიღაცამ ვერ გაბედა ეთქვა ,,მიყვარხარო“ , ვიღაცამ თქვა, მაგრამ არ მოუსმინეს…მეც, თითქოს იგივე სიტუაციაში აღმოვჩნდი ყველა მოსწავლისთვის და ჩემი კოლეგასთვის მინდოდა დიდი ფერადი ასოებით ,,ხმამაღალი ნათქვამი ” დამეტოვებინა ჩვენი სკოლის კედელზე ….მე თქვენ მიყვარხართ”, _ წერს ქეთევან გაბისონია.

შეგახსენებთ, რომ დღეს სწავლა დისტანციურ ფორმატში დაიწყო.

[sexy_author_bio]