საქართველოს სახელმწიფო უსაფრთხოების სამსახურის უფროსის მოადგილემ, ალექსი ბატიაშვილმა 2016 წლის იანვრიდან, 2017 წლის ივნისამდე, ჯამში, 303 105 ლარი დახარჯა.
ამის შესახებ ალექსი ბატიაშვილის ქონებრივი დეკლარაციიდან ირკვევა, რომელიც საჯარო სამსახურის ბიუროს ვებ-გვერდზე გამოქვეყნდა.
დეკლარაციის თანახმად, ბატიაშვილის ოჯახის მთლიანი შემოსავალი გასულ წელს 44 774,12 ლარი იყო, ხოლო დანახარჯის ჯამურმა ოდენობამ 40 580,39 ლარი შეადგინა. ამავე დაკლარაციიდან ირკვევა, რომ ალექსი ბატიაშვილის ოჯახმა 2016 წლიდან 2017 წლის ივნისამდე ჯამში 303 105,44 ლარი დახარჯა. აქედან, 2016 წელს როგორც ზემოთ აღვნიშნეთ, 40 580,39 ლარი დახარჯა, ხოლო 2017 წლის იანვრიდან ივნისამდე – 252892,50 ლარი.
კერძოდ, დეკლარაციიდან ირკვევა, რომ ალექსი ბატიაშვილმა 2016 წლის 1 იანვრიდან 31 დეკემბრამდე შპს “ეურომედია ჯორჯიადან“, სადაც ის კონსულტანტი იყო, 30662,87 ლარის შემოსავალი მიიღო; შპს “ეი ბი სოლუშენს“-იდან ( კონსულტანტი) 2016 წლის 1 სექტემბრიდან 31 დეკემბრამდე – 1375,00 ლარი; ხოლო შპს „სი ეს ეს“-დან სადაც ის დირექტორი იყო 12000,00 ლარი. რაც შეეხება მისი მეუღლის, ეკატერინე ღოღობერიძის შემოსავლებს, ამავე დეკლარაციიდან ირკვევა, რომ შპს „ბიუთი ლაბი“-დან, სადაც ის მარკეტინგის სპეციალისტია 2016 წლის 1 იანვრიდან 31 დეკემბრამდე მხოლოდ 736,25 ლარის შემოსავალი აქვს მიღებული.
კერძოდ, 2016 წლის თებერვალში, ალექსი ბატიაშვილმა 9632,00-ლარად, თბილისში, უნივერსიტეტის ქუჩაზე 8,70 კვ.მ-ის ფართობის მიწის ნაკვეთი (სასაფლაო) შეისყიდა. ამავე წელს, ბატიაშვილმა შვილების სწავლისთვის ჯამში 12 695, 58 ლარი გადაიხადა, ხოლო მის მეუღლეს, ეკატერინე ღოღობერიძემ 2014 წელს აღებული 40 000-დოლარიანი სესხის პროცენტის დასაფარად 7605,60 დოლარის გასავალი გქონდა, რაც დაახლოებით, 18 253 ლარია.
ალექსი ბატიაშვილისა და მისი მეუღლის სახელზე 28 საბანკო ანგარიშია გახსნილი, აქედან, დეკლარაციის შევსების მომენტში (12.07.2017), 22 საბანკო ანგარიშზე თანხა საერთოდ არ იყო. რაც შეეხება დანარჩენ ანგარიშებს, ჯამში მასზე 10021 ლარი და 10475 დოლარი იყო.
გარდა ამისა, ალექსი ბატიაშვილის ნაღდი ფულის სახით 7800,00 ლარი (დანაზოგი), ხოლო ეკატერინე ღოღობერიძეს 4500,00 ლარი (დანაზოგი) ჰქონდა.
აქვე უნდა აღინიშნოს რომ ალექსი ბატიაშვილის ოჯახის სახელზე რამდენიმე საბანკო სესხია. კერძოდ, მისი მეუღლის სახელზეა, 2014 წელს (ვადა 2024 წლამდე), აღებული 40000- დოლარის ღირებულების სესხი, რისთვისაც გასულ წელს ღოღობერიძეს ბანკისთვის 7605,60 დოლარი გადაუხდია.
ასევე მის სახელზეა 152 000,00-დოლარიანი სესხი, რომელიც 2017 წელს (ვადა 2027 წელს ეწურება) აუღია „ხალიკ ბანკი საქართველოდან“, როგორც “გურია ნიუსმა” გაარკვია, ამ თანხით აქვს ეკატერინე ღოღობერიძეს ბინა შეძენილი.
გარდა ამისა, ეკატერინე ღოღობერიძის სახელზეა კიდევ ერთი ხელშეკრულება, რომელიც შპს-ში წილის ნასყიდობას ეხება და მის ღირებულებად დეკლარაციაში 48912,00-ლარია მითითებული. გარდა ამისა, ეკატერინე ღოღობერიძეს კიდევ ერთი, 25299-ლარის ღირებულების შპს-ს წილი უყიდია.
ეკატერინე ღოღობერიძეს ასევე, 2017 წელს 30000-ლარად ბინა გაუქირავებია, თუმცა აქედან მიღებული შემოსავალი დეკლარაციაში ჯერჯერობით აღნიშნული არ არის (სავარაუდოდ, 2018 წლის დეკლარაციაში აისახება).
რაც შეეხება ოჯახის ქონებას, როგორც დეკლარაციიდან ირკვევა, რომ ბატიაშვილის ოჯახი ორ ბინას, სამ მიწის ნაკვეთს და მსუბუქ ავტომანქანას ფლობს.
კერძოდ, როგორც ზემოთ აღვნიშნეთ, ალექსი ბატიაშვილის მეუღილის, ეკატერინე ღოღობერიძის 100,00% საკუთრებაშია 2017 წელს, 252892,50-ლარად ნაყიდი 121,16 კვ.მ-ის ფართობის ბინა თბილისში, ი.ნიკოლაძის ქუჩაზე; ასევე, მის საკუთრებაშია, 2005 წელს, 17000,00-ლარად ნაყიდი 113,41 კვ.მ-ის ფართობის ბინა თბილისში, გოგებაშვილის მე-3 შესახვევში; 2008 წელს, 5000,00-ლარად ნაყიდი 2020,00 კვ.მ-ის ფართობის მიწის ნაკვეთი გუდაურში (თანამესაკუთრეები: ქეთევან ხარაძე, ქეთევან ღოღობერიძე, ირაკლი ჟღენტი, ნოდარ აბესაძე, ვლადიმერ დანგაძე, ივანე ხარაძე, ლევან გოგიჩაძე, დავით და გიორგი ტყეშელაშვილები);
ხოლო ალექსი ბატიაშვილის საკუთრებაშია 2016 წელს, 9632,00-ლარად ნაყიდი 8,70 კვ.მ-ის ფართობის მიწის ნაკვეთი (სასაფლაო) თბილისში, უნივერსიტეტის ქუჩაზე; 2006წელს, 5000-ლარად შეძენილი 1000,00 კვ.მ-ის ფართობის მიწის ნაკვეთი წავკისში და 2011 წელს, 16500,00 ლარად ნაყიდი მსუბუქი ავტომანქანა toyota rav 4 (2005წლის გამოშვება).
აქვე უნდა აღინიშნოს, რომ ალექსი ბატიაშვილი და მისი მეუღლე 7 შპს-ს პატრნიორი და ხელმძღვანელია. კერძოდ, შპს „პოპინი”-ს 33,33% წილს წლობს ეკატერინე ღოღობერიძე (მეწილეები: სოფიო ჩოგოვაძე, სალომე ვახანია); ღოღობერიძე ასევე ფლობს შპს „სტედი” -ს 33,00% -იან წილს (თამარ ლაშხიძე; გიორგი ხეცურიანი) და შპს „ბიუთი ლაბ“-ის 100%-იან და შპს „ტეილორი“ -ს 50,00%-იანი წილებს (თანაპარტნიორი თამარი დავითნიძე).
რაც შეეხება ალექსი ბატიაშვილს, ის შპს „სი ეს ეს“ -ის დირექტორია. ასევე, შპს „ეი ბი სოლუშენს“-ის პატრნიორი და 50%-იანი წილის მფლობელი (თანაპარტნიორი ვარლამ ავალიანი). აქვე უნდა აღინიშნოს, რომ გარდა შპს „სი ეს ეს“-დან მიღებული 12000,00 -ლარისა, ალექსი ბატიაშვილს ან მის მეუღლეს, ამავე დეკლარაციის თანახმად, შემოსავლები სხვა შპს-ებიდან მიღებული არ აქვთ.
რაც შეეხება წინა წლების შემოსავლებს, როგორც საჯარო სამსახურის ბიუროს ვებ-გვერდზე განთავსებული ქონებრივი დეკლარაციებიდან ირკვევა, 2014 წელს, როდესაც ბატიაშვილი თავდაცვის მინისტრის მოადგილე იყო, 70681,90 ლარის შემოსავალი მიუღია. აქედან, ალექსი ბატიაშვილს საქართველოს თავდაცვის სამინისტროდან, 60681.90 ლარის შემოსავალი, ხოლო ეკატერინე ღოღობერიძეს შპს სტუდია მეტრო-დან კლიენტ სერვის მენეჯერის პოზიციისთვის 8750.00 ლარი, შპს ბიუთი ლაბის მარკეტინგის სპეციალისტის თანამდებობიდან კი, 1250.00 ლარი.
2012 წელს კი, ბატიაშვილის ოჯახის შემოსავალი ჯამში 38 398,65 ლარი იყო – ალექსი ბატიაშვილს საქართველოს შინაგან საქმეთა მინისტრის მოადგილეობისთვის 16781.00 ლარი, ხოლო ეკატერინე ღოღობერიძეს შპს „სტუდია მეტრო“-ს კლიენტ სერვის მენეჯერის პოზიციიდან 21617.65 ლარი მიუღია.
2011 წლის დეკლარაციაში კი, მხოლოდ ეკატერინე ღოღობერიძის შემოსავალი ფიქსირდება, რაც მას შპს “სტუდია მეტრო” კლიენტ სერვის მენეჯერის თანამდებობიდან მიუღია და 25290.00 ლარს შეადგენდა.
ცნობისთვის, სუს-ის უფროსის მოადგილედ ალექსი ბატიაშვილი 2017 წლის 31 მაისს დაინიშნა. ბატიაშვილი ირაკლი ღარიბაშვილის შინაგან საქმეთა მინისტრობის დროს მის მოადგილედ მუშაობდა. ასევე, იყო ირაკლი ალასანიას მოადგილე თავდაცვის მინისტრობის პერიოდში.
შეგახსენებთ, რომ ბატიაშვილის სახელმა არაერთხელ გაიჟღერა ე.წ. კაბელების საქმესთან დაკავშირებით, სადაც მთავარი პროკურატურა თავდაცვის სამინისტროს თანამშრომლებს დიდი ოდენობით ბიუჯეტის თანხების გაფლანგვას ედავებოდა.
მაშინ მთავარი პროკურატურა აცხადებდა, რომ კომპანია “სილქნეტსა” და თავდაცვის სამინისტროს შორის გაფორმებულ ხელშეკრულებას სწორედ ალექსი ბატიაშვილი აწერდა ხელს. საგამოძებო უწყება ბატიაშვილისა და “სილქნეტის” კომერციული დირექტორის ბაჩო ჩინჩალაძის ნათესაურ კავშირზეც ამახვილებდა ყურადღებას. აღნიშნულ საქმესთან დაკავშირებით ბარტიაშვილი რამდენჯერმე დაკითხეს.
