თებერვლიდან, საკარმიდამო ნაკვეთებში, ხეხილოვანთა ბაღებში, მცირე თუ დიდ ბოსტნებში უპირველესი სამუშაოებია, მიწის გადაბარვა, ხეხილოვანთა გასხვლა და ნიადაგში სასუქების შეტანა.
გადაბარვა, როგორც წესი, უნდა მოხდეს ბაღ-ბოსტნებში, ასევე, უნდა შემოვბაროთ ხეხილოვანთა ირგვლივ ნიადაგი, შემდეგ კი ფოსფორ-კალიუმიანი სასუქები შევიტანოთ.
შეგახსენებთ, რომ თებერვლის მეორე ნახევარში ვარაუდობენ თოვლს, წვიმიან ამინდებს. ამიტომ, გამოვიყენოთ კარგი ამინდი, გავსხლათ ხეხილოვნები: ვაშლი, მსხალი, ატამი. ასევე, უნდა გაისხლას კივი, ჩაი, ვისაც აქვს. ეს ერთგვარი სამზადისიც იქნება იმისთვის, რომ თოვლმა ტოტები არ ჩამოამტვრიოს და რა თქმა უნდა, მცენარე ვეგეტაციას უფრო აქტიურად შეძლებს.
ბოსტნების გადაბარვა ამ პერიოდში გააუმჯობესებს სამომავლოდ აგრარული კულტურების ხარისხს. გადაბარვის შემდეგ შეიტანეთ უმჯობესია ნაკელი, ასევე არაორგანული სასუქებიც.
მრავალწლიანი მცენარეების ირგვლივ, უფრო ხეხილოვნების, შემობარვა მოვახდინოთ მეტრნახევარ რადიუსში.
გაასუფთავეთ საყანე ფართობები. მოამზადეთ გოგროვნების დასათესი კვლები. ჩვენ ყოველთვის ვურჩევთ მეურნეებს, ხმელი ფოთლები, ნასხლავი თუ სხვა მცენარეული ნარჩენები, არ დაწვან და ნეშომპალით საუკეთესო სასუქი მოამზადონ. თუმცა დაუშვით გამონაკლისი გოგრის დასათესი ნიადაგის მომზადებისას. ამ მცენარის ერთ-ერთი ყველაზე საუკეთესო სასუქი მცენარეული ნარჩენების ნამწვია.
თებერვლის თბილი დღეები ასევე გამოიყენეთ ღობეების გასამაგრებლად. უმეტესად კი, როგორც ვთქვით, მოასწარით გასხვლა, ჩაბარვა, ზოგადად ნიადაგის განოყიერება.
