,,რადიკალურმა მოძრაობა „თალიბანმა“ გაეროს გენერალურ ასამბლეაზე, სადაც მსოფლიო ლიდერების შეხვედრა მიმდინარეობს, სიტყვით გამოსვლის თხოვნით მიმართა“, _ ამის შესახებ ინფორმაციას Reuters-ი ავრცელებს.
სააგენტოს ცნობით, აღნიშნულთან დაკავშრებით „თალიბანის“ საგარეო მინისტრმა ამირ ხან მუთაქიმ გაეროს გენერალურ მდივანს, ანტონიო გუტერეშს წერილი გაუგზავნა.
გუტერეშის პრესსპიკერმა ფაჰრან ჰაკმა დაადასტურა ინფორმაცია წერილის შესახებ და განაცხადა, რომ მოთხოვა გაეროს 9-წევრიან კომიტეტს გადაეგზავნა, რომლის წევრები აშშ, ჩინეთი და რუსეთიც არიან.
„20 სექტემბერს გაეროს გენერალურმა მდივანმა წერილი მიიღო „ავღანეთის ისლამური საამიროსგან“, რომელსაც ხელს თალიბების მიერ ჩამოყალიბებული მთავრობის „საგარეო საქმეთა მინისტრი“, ამირ ხან მოტაყი აწერს. წერილი გაეროს გენერალური ასამბლეის 76-ე სესიაში მონაწილეობის მიღების თხოვნას შეიცავს“, – განაცხადა გაეროს გენერალური მდივნის ოფიციალურმა წარმომადგენელმა.
როგორც გამოცემა წერს, ,,თალიბანის“ წერილში, ასევე აღნიშნულია, რომ გაეროში ავღანეთის ელჩი ღულამ ისაკზაი, უკვე აღარ წარმოადგენს ავღანეთს, ხოლო ახალ ელჩად „თალიბანის“ ოფიციალური წარმომადგენლებმა, სუჰაილ შაჰინის კანდიდატურა წარუდგინა
Reuters-ი წერს, რომ თალიბების შესაბამისი მოთხოვნა გაეროს სააკრედიტაციო კომიტეტს გადაეცა, თუმცა ნაკლებად სავარაუდოა, კომიტეტი ორშაბათამდე, გენერალური ასამბლეის დასრულებამდე, შეიკრიბოს და ამიტომ საეჭვოა, „თალიბანის“ საგარეო მინისტრმა მსოფლიო ლიდერებს მიმართოს.
გენერალური ასამბლეის წესების შესაბამისად, ღულამ ისაკზაი თანამდებობაზე მანამდე უნდა დარჩეს, სანამ გაეროს უფლებამოსილებების კომიტეტი გადაწყვეტილებას მიიღებს.
ცნობისთვის, კომიტეტი, გაეროს წევრების უფლებამოსილების საკითხის განსახილველად, ტრადიციულად ოქტომბერში, ან ნოემბერში იკრიბება.
[sexy_author_bio]
