მკვლევარებისა და ექიმების რეკომენდაციით, თუ თქვენ კვირაში 1-ხელ მაინც არ მიირთმევთ თევზეულს, მაშინ სასურველია მიიღოთ თევზის ქონის დანამატი ორგანიზმში ომეგა მჟავების დონის შესავსებად.
რატომ არის თევზის ქონი ჯანმრთელობისათვის შეუცვლელი?
გულ-სისხლძარღვთა სისტემა – თევზის ქონი აჯანსაღებს გულ-სისხლძარღვთა სისტემას. მისი დღიური რაციონი თავიდან აგაცილებთ ისეთ გართულებებს, როგორიცაა ქოლესტერინის მაღალი დონე, ტრიგლიცერიდების მოჭარბებული რაოდენობა, სისხლის მაღალი წნევა, ათეროსკლეროზი, არითმია და ა.შ.
თავის ტვინის ფუნქციები – თავის ტვინის შემადგენლობის დაახლოებით 60% წარმოადგენს ცხიმს, რისი უდიდესი ნაწილიც არის ომეგა 3. თევზის ქონი აუცილებელია თავის ტვინის გამართული ფუნქციონირებისათვის. ის იცავს სხეულს მენტალური დაავადებებისაგან. ზოგიერთი კვლევის თანახმად, თევზის ქონი ამცირებს შიზოფრენიისა და ბიპოლარული აშლილობის სიმპტომებს.
ჭარბი წონა და სიმსუქნე – შესაბამისი კვების რაციონისა და ფიზიკური დატვირთვის დროს, თევზის ქონის შემცველი დანამატები აძლიერებენ მეტაბოლიზმს და აუმჯობესებენ წონის კორექციის პროცესს. ჭარბი წონა და სიმსუქნე ხელს უწყობს გულ-სისხლძარღვთა დაავადებების, დიაბეტის და სიმსივნის განვითარებას, თევზის ქონი კი ამცირებს მათ რისკს.
მხედველობა – თავის ტვინის მსგავსად, თვალებისთვისაც საჭიროა ომეგა 3. ის ადამიანები, ვინც არ იკვებებიან თევზეულით, მხედველობის დაავადებების უფრო დიდი რისკის ქვეშ არიან. ასაკის მატებასთან ერთად, უარესდება მხედველობა. თევზის ქონს შეუძლია აგარიდოთ თავიდან მწვავე გართულებები.
ართრიტი – თევზის ქონს აქვს ანთების საწინააღმდეგო მოქმედება. სახსრებში ქრონიკული ანთებითი პროცესის დროს ვითარდება ართრიტი, რაც ზღუდავს სახსრის მოძრაობას და მტკივნეულს ხდის მას. თევზის ქონს შეუძლია მოხსნას ტკივილი და სახსრის დაჭიმულობა.
ორსულობა და ჩვილები – თევზის ქონი აუცილებელია ორულთათვის, რათა სწორად მოხდეს ნაყოფის განვითარება და ჩამოყალიბება. თევზის ქონი მნიშვნელოვანია ჩვილების გონებრივი განვითარებისა და ჯანსაღი მხედველობისათვის. ბავშვებს, რომლებიც იღებენ თევზის ქონს, აქვთ ძლიერი იმუნური სისტემა, კომუნიკაციის უკეთესი უნარი და უფრო მაღალი ინტელექტი. ასეთი ბავშვები აუტიზმის, ქცევითი პრობლემების, ყურადღების დეფიციტისა და ჰიპერაქტიურობის სინდრომის დაბალი რისკის ქვეშ არიან.
ღვიძლის არაალკოჰოლური გაცხიმოვნება – სიმსუქნესთან ერთად ბოლო წლებში გაიზარდა ღვიძლის არაალკოჰოლური გაცხიმოვნების პროცენტული მაჩვენებელიც. თევზის ქონის შესაბამისი დოზით მიღება ამცირებს ღვიძლში ცხიმოვან ნივთიერებებს და ანთებით პროცესს.
