ჩემო მეგობრებო, ახლობლებო და ჩემო კეთილო ხალხო, გამოგვწერეს დღეს. კარგად არის ჩვენი გოგო. რამდენიმე დღე თბილისში ვიქნებით, მერე წავალთ სოფელში…
დიდი მადლობა ყველას, მთელ საქართველოს.
სიტყვებით ვერ გადმოგცემთ ამ განცდას, რაც ეხლა მაქვს.
მადლობა ჩვენ საყვარელ ექიმს Tatia Aprasidze და მთელ პერსონალს გაწეული შრომისთვის, თქვენ მე შვილი მაჩუქეთ…
უფალი გფარავდეთ ყველას!
მადლობა ყველას თითო გაზიარებისთვის და თუნდაც 1 ლარისთვის. _ წერს სოციალურ ქსელში ელენიკო ლომთათიძის დედა, თამუნა გვიანაძე.
შეგახსენებთ რომ ჩოხატაურის მუნიციპალიტეტის სოფელ ხიდისთავის საჯარო სკოლის მერვეკლასელი ელენიკო ლომთათიძე მოულოდნელად ცუდად გახდა.
ელენიკოს ლიმფური ენცეფალიტი დაუდგინდა.
ბავშვს დიაგნოზი თურქეთის ერთ-ერთ კლინიკაში დაუსვეს, სადაც მკურნალობისთვის 60 000 ლარი იყო საჭირო.
რადგან ოჯახი სოციალურად დაუცველია, თურქეთის კლინიკის შემოთავაზება ელენიკოს მკურნალობის შესახებ ვერ მიიღო და საქართველოში დაბრუნდნენ და ელენიკოს დასახმარებლად მთელი ჩოხატაური და არამარტო ჩოხატაური, გაერთიანდა. შემდეგ გადაწყდა, რომ ელენიკო საქართველოში იმკურნალებდა.
ელენიკომ მკურნალობის კურსი თბილისში, იაშვილის სახელობის კლინიკაში გაიარა.
ვულოცავთ ჩვენს ლამაზ და ჭკვიან გოგოს გამოჯანმრთელებას და შინ მშვიდობით დაბრუნებას!
