ოცნების“ ახალგამოჩეკილ სახეებს რომ ვუყურებ, ცოცხების აქციებს ვინც აორგანიზებს დღეს, ერთადერთი კითხვა მაქვს მათთან: აი, თქვენ რა პრეტენზია გაქვთ მიხეილ სააკაშვილთან? _ ამის შესახებ განცხადება პოლიტიკური გაერთიანება “ტრიბუნას” ლიდერმა დავით ჭიჭინაძემ გააკეთა.
ჭიჭინაძის თქმით, საქართველოში რეალური ცვლილებების დასაწყებად, აქციაზე მისვლა და უწყვეტი პროტესტია საჭირო.
“ან რა საერთო გაქვთ 2012 წელთან?!
თქვენ ხომ სწორედ ის ადამიანები ხართ, სააკაშვილის ერთგული მსახურები, მუდმივი მონები, ვინც თავის დროზე ყველაზე მეტად დააზიანა „ნაციონალური მოძრაობა“, რადგან როგორც ახლა იბრძვით თავგამოდებით მიშას და „ნაციონალების“ წინააღმდეგ, სწორედ ასე იბრძოდით მაშინ ოპოზიციის წინააღმდეგ.
ღარიბაშვლს კიდე ვეტყვი, რომ ყველა მის განცხადება არის სირცხვილი!
ჯერ ერთი, თუ მართლა ვინმეს ბრალის წაყენება უნდოდა სააკაშვილისთვის, ან კითხვა ჰქონა მასთან, 2012-2013 წლებში სააკაშვილი პრეზიდენტი იყო, ძალაუფლება „ოცნებას“ ჰქონდა და ემოქმედათ! ვინ დაუშალა?!
მაგრამ არა, კოჰაბიტაცია იყო მაშინ მოდაში…
ახლა კი, მთელი 4 დღე ისე იმოძავა ქვეყანაში, არავის არაფერი გაუგია, რითაც კიდევ ერთხელ დამტკიცდა, რომ არც სახელმწიფო გვაქვს, არც მთავრობა გვყავს, საზღვრებიც მორღვეულია.
სწორედ ამიტომ არის მნიშვნელოვანი აქციაზე მისვლა და უწყვეტი პროტესტი, ამ ქვეყანაში რეალური ცვლილებები რომ დაიწყოს.
მითუმეტეს, რომ „ ქართულმა ოცნებამ“ არაერთხელ მიიღო ამომრჩევლისგან სილა არჩევნებზე.
დღევანდელ აქციაზე უკვე ამ სილის გაწვნის შედეგი უნდა დაიდოს.
ეს უნდა გახდეს სერიოზული მუხტი მეორე ტურებისთვის გადამწყვეტ ბრძოლაში”, _ განაცხადა დავით ჭიჭინაძემ.
