თბილისში აქციებზე ძალოვნების მიერ ნაცემი და დაშავებული ახალგაზრდების ფოტოებით დღეს ლანჩხუთის მერიასთან პროდასავლური ოპოზიციური პარტიების წარმომადგენლები მივიდნენ და ერთობლივი მიმართვა გაავრცელეს.
მიმართვის ადრესატები მუნიციპალიტეტის საკრებულოში, მერიაში, ა(ა).ი.პ-ებში, სიპ-ებში, საგანმანათლებლო დაწესებულებებში, სხვა საჯარო თუ კერძო დაწესებულებებში დასაქმებული ადამიანები იყვნენ.
„ყველასათვის ცნობილია, რაც ხდება ჩვენს ქვეყანაში! გაყალბებული არჩევნებით თავზე გადაგვახიეს საქართველოს კონსტიტუცია და უარყვეს უმრავლესობის არჩევანი, მათ შორის ჩვენს მილიონამდე ემგრანტს წაართვეს არჩევანის უფლება. არავის, არცერთ ევროპულ ქვეყანას,ამერიკის შეერთებულ შტატებს, რომლებიც წლებია ჩვენი უსაფრთხოებისა და ეკონომიური კეთილდღეობის,ასევე არაღიარების პოლიტიკის უპირობო გარანტები არიან და მხარს გვიჭერენ ევროინტეგრაციის, დემოკრატიის გზაზე, არ უღიარებია ეს გაყალბებული არჩევნები. ქართული ოცნება ჯიუტად, ძალმომრეობით, არალეგიტიმურად შეიკრიბა პარლამენტში. მოგვიანებით რუსმა ოლიგარქმა ივანიშვილმა საქვეყნოდ დაგვცინა და ე.წ პრეზიდენტობის კანდიდატად ყველაზე ოდიოზური, პრორუსი, ცხრა -კლასიანი განათლების მასხარა შემოგვთავაზა.
ივანიშვილის მიერ დასმულმა რუსმა პრემიერმა, მონა კობახიძემ კი საბოლოოდ გვამცნო, რომ აჩერებდა ევროპასთან მოლაპარაკებების გახსნას, რითაც საბოლოოდ უარყო კონსტიტუცია, 78 მუხლი. ეს ბოლო წვეთი აღმოჩნდა ქართველი ამომრჩევლებისთვის, რომლებსაც მოპარეს არჩევანი.
ახალგაზრდები და მათთან ერთად ყველა ასაკის ნახევარზე მეტი საქართველო ქუჩაშია. განსაკუთრებით სტკივათ ახალ თაობას, ჩვენს მომავალს, რომლებიც თავისუფლებაში დაიბადნენ და არავის აპატიებენ თავიანთი მომავლის გაუბედურებას. ამასობაში ჩვენი არალეგიტიმური მთავრობა ყველა ღონეს ხმარობს პროტესტის ჩასახშობად,რათა ამ წლებში ასტრონომიულად გამდიდრების შედეგად დაგროვებული ქონება და პრივილეგიები არ გამოეცალოთ ხელიდან. ამისთვის სახე დაუკარგეს ჩვენს პოლიციას, აქციეს ზონდერებად, რომლებიც საბოლოოდ ჩამოყალიბდნენ რუსულ ომონად, მარბიელ რაზმებად. რობოკოპები და განსაკუთრებულ დავალებათა დეპარტამენტის წარმომადგენლები, აქციეს საკუთარი შვილებისა და ახლობლების დამსახიჩრებლებად, ივანიშვილის პირადმა მსახურებმა გამოიყვანეს ივანიშვილის დასაცავად შექმნილი სპეციალური რაზმები, რომლებიც გაწვრთნილნი არიან რუსების მიერ და ყველაფრის ფასად ასრულებენ უკანონო დავალებებს, სპორტსმენები გამოყენებული ყავთ სადამსჯელო დავალებების შემსრულებლად. ახალგაზრდებს უსწორდებიან სასტიკად, ასახიჩრებენ, გვწამლავენ, გვარბევენ და ამ დროს თქვენ, საჯარო და სხვა სამსახურებში მოკალათებულო მოხელეებო, სკოლის მასწავლებლებო, ექიმებო, კერძო სტრუქტურის წარმომადგენლებო, თქვენი დუმილით ხელს უწყობთ ამათ უთავბოლო პარპაშს. თქვენ რომ დრულად ხმა ამოგეღოთ, თქვენი პოზიცია დაგეფიქსირებინათ, არ გვეყოლებოდა დღეს სასტიკად ნაცემი ჩვენი ეს ბოლო წვეთი აღმოჩნდა ქართველი ამომრჩევლებისთვის, რომლებსაც მოპარეს არჩევანი. ახალგაზრდები და მათთან ერთად ყველა ასაკის ნახევარზე მეტი საქართველო ქუჩაშია. განსაკუთრებით სტკივათ ახალ თაობას, ჩვენს მომავალს, რომლებიც თავისუფლებაში დაიბადნენ და არავის აპატიებენ თავიანთი მომავლის გაუბედურებას.
ამასობაში ჩვენი არალეგიტიმური მთავრობა ყველა ღონეს ხმარობს პროტესტის ჩასახშობად,რათა ამ წლებში ასტრონომიულად გამდიდრების შედეგად დაგროვებული ქონება და პრივილეგიები არ გამოეცალოთ ხელიდან. ამისთვის სახე დაუკარგეს ჩვენს პოლიციას, აქციეს ზონდერებად, რომლებიც საბოლოოდ ჩამოყალიბდნენ რუსულ ომონად, მარბიელ რაზმებად. რობოკოპები და განსაკუთრებულ დავალებათა დეპარტამენტის წარმომადგენლები, აქციეს საკუთარი შვილებისა და ახლობლების დამსახიჩრებლებად, ივანიშვილის პირადმა მსახურებმა გამოიყვანეს ივანიშვილის დასაცავად შექმნილი სპეციალური რაზმები, რომლებიც გაწვრთნილნი არიან რუსების მიერ და ყველაფრის ფასად ასრულებენ უკანონო დავალებებს, სპორტსმენები გამოყენებული ყავთ სადამსჯელო დავალებების შემსრულებლად. ახალგაზრდებს უსწორდებიან სასტიკად, ასახიჩრებენ, გვწამლავენ, გვარბევენ და ამ დროს თქვენ, საჯარო და სხვა სამსახურებში მოკალათებულო მოხელეებო , სკოლის მასწავლებლებო, ექიმებო, კერძო სტრუქტურის წარმომადგენლებო, თქვენი დუმილით ხელს უწყობთ ამათ უთავბოლო პარპაშს.
თქვენ რომ დრულად ხმა ამოგეღოთ, თქვენი პოზიცია დაგეფიქსირებინათ, არ გვეყოლებოდა დღეს სასტიკად ნაცემი ჩვენი პატარა ქალაქის სინამდვილეში უაღრესად წესიერი და განათლებული გიგი კილაძე, არ იქნებოდა დაკავებული დავით ქურიძე, არ იქნებოდა საშინლად დასახიჩრებული ხარაიშვილი და სხვა უამრავი გულანთებული ახალგაზრდა გოგო-ბიჭები. დღეს თქვენი დუმილი არის დანაშაულის ტოლფასი! დღეს თქვენი დუმილი არის წახალისება იმ მხეცების , რომლებიც ჩვენს შვილებს ქუჩებში, სადარბაზოებში, სახლებში დასდევენ, ჩხრეკენ, ავიწროებენ, ამცირებენ და უკანონოდ აკავებენ, და ამ დუმილის ფასს ხვალ თქვენს თავზეც იგრძნობთ! თქვენს მიერ აღებული ხელფასები არ და ვერ იქნება თქვენი შვილების კეთილდღეობა, თქვენი შვილების კეთილდღეობა არა რუსეთში არამედ ევროპულ მომავალშია! ასეთი მშვიდობა გინდოდათ? ასეთ მომავალს მიეცით ხმა? ასე აღარ შეიძლება გაგრძელდეს, ამას ხომ ყველა ვგრძნობთ? ჰოდა დღეს თქვენი დუმილი ყველაზე მეტად ხმაურობს, რადგანაც ჩვენი ხვალინდელი დღე დღეს წყდება, დღეს აქვს აზრი თქვენს პოზიციას, დღეს გვმართებს ერთსულოვნება, დღეს დაიმახსოვრებს თქვენს სახელებს ისტორია, თორემ ხვალ შეიძლება უკვე გვიანიც იყოს! ამიტომ ლანჩხუთის სინამდვილეში დასაქმებულო ადამიანებო, ნუ თვლით რომ ეს თქვენ არ გეხებათ, ხვალ აუცილებლად შეგეხებათ. გაბედეთ! გააპროტესტეთ! ჩვენი ხვალინდელი დღის გადასარჩენად! ჩვენი შვილების მომავლის გადასარჩენად!“, -ასეთი იყო პროდასავლური ოპოზიციური პარტიების მიმართვის ტექსტი. საჯარო მიმართვის შემდეგ შეკრებილთა ნაწილმა ნაცემი და დასახიჩრებული ადამიანების ფოტოები მერიის შენობასთან და მერის, ალექსანდრე სარიშვილის მანქანაზე დატოვა.
