“თუ ბაჩიაშვილს რამე დანაშაული აქვს ჩადენილი, ე.ი ივანიშვილსაც ჩადენილი აქვს, ერთად შოულობდნენ ფულს და ვინ არის მტყუან-მართალი ამას ამ “ოცნების” სასამართლოს პირობებში ვერ გავარკვევთ.” – განაცხადა “ერთიანობა ნაციონალური მოძრაობის” გენერალურმა მდივანმა, პეტრე ცისკარიშვილმა ბაჩიაშვილის დაკავებაზე
“ბიძინა ივანიშვილის გადაწყვეტილებით მიდის ხალხი ციხეში, იგივე ბაჩიაშვილიც არის მსხვერპლი ივანიშვილის ვერდიქტის. ეს ადამიანი არის არა მხოლოდ პოლიტიკური პატიმარი, არამედ მეწარმე, რომელსაც ფული უნდა გამოსძალონ და ამ მიზნით სვამენ ციხეში, ტყვედ აჰყავთ იმისათვის, რომ ის თანხა, რასაც ივანიშვილის მას ედავება, გამოსძალოს პატიმრობის პირობებში. ასეთ ქვეყანაში ვცხოვრობთ.
თუ ბაჩიაშვილს რამე დანაშაული აქვს ჩადენილი, ე.ი. ივანიშვილსაც ჩადენილი აქვს, ერთად აკეთებდნენ ე.წ. მაინინგს და ერთად გამოიმუშავებდნენ ბიტკოინებს, ერთად შოულობდნენ ფულს, ვინ არის მტყუან-მართალი ამას ამ სასამართლოს პირობებში ვერ გავარკვევთ, ამის არავის სჯერა. ამ ადამიანს ციხეში სვამენ მხოლოდ იმიტომ, რომ ივანიშვილმა ფული გამოსძალოს,” – განაცხადა პეტრე ცისკარიშვილმა.
პეტრე ცისკარიშვილის განცხადებას “ერთიანი ნაციონალური მოძრაობის” პრესსამსახური ავრცელებს.
