შეერთებული შტატების უსაფრთხოების ყოფილი მდივნის, ჯონ ბოლტონის თქმით, ნაკლებად სავარაუდოა, რომ პუტინი ბირთვულ იარაღს გამოიყენებს, თუმცა თუ მან ასეთ ექსტრემალური ბრძანება გასცა, აშშ-ს მისი ფიზიკური განადგურება შეუძლია.
ბოლტონმა აღნიშნა, რომ აშშ-ს შეუძლია მიწვდეს პუტინს და მან ეს იცის.
ბოლტონმა მაგალითად მოიყვანა ირანის ისლამური რევოლუციური გვარდიის კორპუსის სპეციალური ელიტური დანაყოფის, ყუდსის ძალების გენერალი, ყასემ სოლეიმანი, რომელიც 2020 წლის 3 იანვარს, ბაღდადის აეროპორტთან აშშ-ს პრეზიდენტის, დონალდ ტრამპის ბრძანებით, სარაკეტო თავდასხმით მოკლეს.
“ვფიქრობ, ჩვენ უნდა გავაძლიეროთ მცდელობები, რომ პუტინმა ამაზე ფიქრი შეწყვიტოს ის მანამდეც „ბლეფობდა“, ბირთვული იარაღის გამოყენების თაობაზე და ყველა ინდიკატორი მიანიშნებს, რომ ყველა მისი ახლანდელი საუბარიც ტყუილი, თუმცა მე არ გამოვრიცხავდი მის მიერ ბირთვული იარაღის გამოყენების შესაძლებლობას, იმ შემთხვევაში თუ რუსული ძალები უკრაინაში ჩამოიშლებიან და თუ პუტინი გამოუვალ პოლიტიკურ ვითარებაში აღმოჩნდება. ამიტომ ჩვენ გარკვევით უნდა გავაგებინოთ, რომ თუ ის გასცემს ბირთვული იარაღის გამოყენების ბრძანებას, საკუთარ მკვლელობას მოაწერს ხელს. არ ვეთანხმები მოსაზრებას, რომ ჩვენ მას ვერ მივწვდებით და მან ეს იცის. შეგიძლიათ, ჰკითხოთ ყასემ სოლეიმანის, რა ხდება აქ, როდესაც გადავწყვეტთ, რომ რომელიმე ადამიანი ამერიკისთვის საფრთხეს წარმოადგენს”, – ამბობს ჯონ ბოლტონი.
ავტორი
