თურქეთის პრეზიდენტმა რეჯეფ თაიფ ერდოღანმა CNN-ს განუცხადა, რომ ის ჯერ კიდევ არ არის მზად შვედეთის ნატო-ში გაწევრიანებას მხარი დაუჭიროს და იმეორებს თავის მტკიცებას, რომ სტოკჰოლმმა დაუშვა ტერორისტული ორგანიზაციების თავშესაფარი ქვეყანაში.
„სანამ თურქეთში ტერორისტული ჯგუფების შტოებს თავისუფლად სეირნობის საშუალებას აძლევენ სტოკჰოლმის ქუჩებში, მის ნატოში გაწევრიანების მიმართ დადებითად განწყობილი ვერ ვიქნები, – თქვა ერდოღანმა CNN-ისთვის მიცემულ ინტერვიუში.
ინფორმაციისთვის, ერდოღანი დიდი ხანია ადანაშაულებს შვედეთს, რომ ქურთისტანის მუშათა პარტიის მებრძოლებს თავშესაფარს აძლევს. აღნიშნული ორგანიზაცია მიჩნეულია ტერორისტულ დაჯგუფებად.
როგორც CNN იუწყება, ზოგიერთი დასავლელი ოფიციალური პირი და ახლო აღმოსავლეთის დამკვირვებელი ვარაუდობს, რომ ტერორისტული პრეტენზიებით ცდილობს ერდოღანი იმის შენიღბვას, რომ არ სურს პოტენციურად გააბრაზოს რუსეთის პრეზიდენტი ვლადიმერ პუტინი პოლიტიკურად არასასიამოვნო დროს.
_ რუსეთმა თურქეთს ეკონომიკური დახმარება გაუწია მას შემდეგ, რაც სხვა ქვეყნებმა ანკარას სანქციები დაუწესეს და პუტინი რჩება მიმზიდველ პარტნიორად ქვეყნის მიწისძვრის შემდგომი აღდგენის მცდელობებში,_ განუცხადა CNN-ს მარტში გონულ ტოლმა, ახლო აღმოსავლეთის ინსტიტუტის თურქეთის პროგრამის აკადემიკოსმა.
რას ნიშნავს ეს უკრაინის ომისთვის: ფინეთის მიღებამ აშშ-ს ხელმძღვანელობით უსაფრთხოების ალიანსში დარტყმა მიაყენა პუტინს, რომელიც დიდი ხანია ცდილობდა ნატოს დათრგუნვას. უკრაინაში შეჭრამდე მან ბლოკს შემდგომი გაფართოებისგან თავის შეკავება მოსთხოვა.
ამის ნაცვლად, შეჭრამ აიძულა არაერთგზის ფინეთი და შვედეთი დაეტოვებინათ ნეიტრალიტეტი და ეძიათ დაცვა ნატოში.
თუ შვედეთი საბოლოოდ მოახერხებს ალიანსში გაწევრიანებას, ის რადიკალურად შეცვლის უსაფრთხოების ლანდშაფტს ჩრდილო-აღმოსავლეთ ევროპაში და მნიშვნელოვნად გაზრდის ნატოს საზღვარს რუსეთთან.
