თურქეთის დედაქალაქში ტერორისტმა თავი აიფეთქა. შემთხვევა anadolu-ს ინფორმაციით, ამ დილას უსაფრთხოების გენერალური დირექტორატის წინ მოხდა.
გავრცელებული ინფორმაციით, აფეთქების შედეგად 2 პოლიციელი დაშავდა.
„ორმა ტერორისტმა, რომლებიც მსუბუქი კომერციული მანქანით მივიდნენ უშიშროების გენერალური დირექტორატის კარიბჭის წინ, აფეთქება განახორციელეს. ერთ-ერთმა ტერორისტმა თავი აიფეთქა, მეორე ტერორისტი განეიტრალდა“, – განაცხადა ალი იერლიკაიამ X-ზე.
იერლიკაიამ თქვა, რომ ორი პოლიციელი მსუბუქად დაშავდა თავდასხმის შედეგად, რომელიც ადგილობრივი დროით 9:30 საათზე მოხდა (0630 GMT).
ანკარის მთავარმა პროკურატურამ ტერაქტის ფაქტზე გამოძიება დაიწყო.
თავდასხმასთან დაკავშირებით, ანკარის სისხლის სამართლის სამშვიდობო სასამართლომ გამოსცა ბრძანება მედიისთვის ინფორმაციაზე ხელმისაწვდომობის აკრძალვასთან დაკავშირებით.
აფეთქების შემდეგ პოლიციის ძალებმა გააძლიერეს უსაფრთხოების ზომები მიმდებარე ტერიტორიაზე.
დიდი ეროვნული ასამბლეის ერთ-ერთ კარიბჭესთან მომხდარი აფეთქების გამო ტრანსპორტისთვის ათათურქის მთავარი ბულვარი დაიკეტა.
შემთხვევის ადგილზე სპეცოპერაციის პოლიციაც იყო მობილიზებული. ადგილზე მობილიზებულია სახანძრო ბრიგადა და სამედიცინო ბრიგადები.
დიდი ეროვნული ასამბლეა 3-თვიანი შესვენების შემდეგ დღის მეორე ნახევარში გაიხსნება.
