“შემოსულია მოქალაქეების მხრიდან განცხადებები და დაბარებულია ახნა-განმარტებისთვის. სამსახური იწყებს შემოწმებას“, – განუცხადეს რადიო თავისუფლებას პერსონალურ მონაცემთა დაცვის სამსახურში.
თავად კენჭიაშვილმაც გამოაქვეყნა რამდენიმე საათის წინ ვიდეო, სადაც თქვა, რომ დაკითხვაზე მიდიოდა. ის უწყებაში დღეს საღამოს იყო დადებული. თუმცა მიუხედავად უწყებაში დაბარებისა და მის მიმართ მშობლების პრეტენზიებისა, კენჭიაშვილმა ბოლო საათებში კიდევ რამდენიმე ვიდეო გამოაქვეყნა, სადაც ბავშვებიც ჩანან.
“ტიკტოკერის” კონტენტი სწორედ ბავშვებთან გადაღებული ვიდეოებით შემოიფარგლება. ის ხშირად მიდის საჯარო, თუ კერძო სკოლებთან და მოსწავლეებთან ერთად ვიდეოებს იღებს. ამის გამო სკოლის დაცვა, ან მშობელი, რომელიც ფაქტს შეესწრება, გამოხატავს პროტესტს, თუმცა ზურაბ კენჭიაშვილი გადაღებას არ წყვეტს.
რამდენიმე კვირის წინ ცნობილი გახდა ისიც, რომ ზურაბ კენჭიაშვილი პოლიციამაც გამოჰკითხა და მოკვლევაც დაიწყეს.
