ებრაული მედიის ცნობით, ისრაელმა შეაჩერა აშშ-ს მცდელობა, მიეყიდათ უკრაინისთვის რკინის გუმბათის (Iron Dome) ანტისარაკეტო სისტემის რამდენიმე ბატარეის მიყიდვა. ამის შესახებ ინფორმაციას timesofisrael ავრცელებს.
როგორც გამოცემა წერს, ამის მიზეზად სახელდება ისრაელის რუსეთთან ურთიერთობის გაფუჭების შიში.
timesofisrael ანგარიშის მიხედვით, ისრაელის საჰაერო თავდაცვის სისტემებმა უკრაინული მხარე განსაკუთრებით დააინტერესა 2021 წლის მაისის ღაზის სექტორთან კონფლიქტის პერიოდში. როდესაც პალესტინური ანკლავის, ღაზის სექტორის მმართველმა დაჯგუფებამ, ჰამასმა ისრაელის მიმართულებით ინტენსიური სარაკეტო იერიშები წამოიწყო, მას შემდეგ, რაც ალ-აკსას მეჩეთთან შეტაკებები მოხდა. ღაზის სექტორიდან ისრაელის მიმართულებით ისროლეს 3000-ზე მეტი რაკეტა ისროლეს, რომელთა უმეტესობაც საჰაერო თავდაცვის სისტემა რკინის გუმბათმა უვნებელყო.
გამოცემის ინფორმაციით, უკრაინის წარმომადგენლებმა გასულ წელს მუშაობა დაიწყეს ვაშინგტონში ამერიკელ კონგრესმენებთან, რათა ისინი დაერწმუნებინათ რაკეტსაწინააღმდეგო სისტემების მიყიდვაზე.
timesofisrael წერს, რომ უკრაინის მთავრობის წარმომადგენლებმა ბაიდენის ადმინსიტრაციას ოფიციალურად სთხოვეს რკინის გუმბათისა და პატრიოტის ტიპის ანტისარაკეტო სისტემების შეძენა. მაშინ, როცა არ არსებობდა უკრაინის რუსეთში შეჭრის საფრთხე, დემოკრატი და რესპუბლიკელი კონგრესმენები თანახმა იყვნენ და მხარს უჭერდნენ სისტემების უკრაინისთვის გადაცემას.
თუმცა, რადგან რკინის გუმბათი( Iron Dome) არის ისრაელ-ამერიკული პროექტი, მესამე ქვეყნისთვის მიყიდვა შეუძლებელია ორივე მწარმოებელი მხარის თანხმობის გარეშე დაშვებული არაა. შესაბამისად, აშშ-ს თანხმობის მიუხედავად, საჭირო იყო ისრაელის დასტურიც.
გამოცემის ანგარიშის მიხედვით, ისრაელის მთავრობის წარმომადგენლებმა აშშ-ს წარმომადგენლებთან არაოფიციალურ საუბრებში ნათლად გამოხატეს, რომ არ დათანხმდებოდნენ რკინის გუმბათის სისტემის კიევისთვის გადაცემას, რადგან ეშინოდათ, რომ ეს დააზიანებდა მათ ურთიერთობას რუსეთთან. ისრაელისთვის ეს პრობლემა კიდევ უფრო მნიშვნელოვანი იყო მოსკოვის სირიაზე არსებული გავლენის გათვალისწინებით.
ისრაელის მხარის არგუმენტებით დარწმუნებულმა აშშ-ს მხარემ საბოლოოდ უარი თქვა როგორც რკინის გუმბათის ისე პატრიოტის სისტემის უკრაინისთვის მიყიდვაზე.
ამის შემდეგ, ცნობის მიხედვით, უკრაინის წარმომადგენლებმა პირდაპირ მიმართეს ისრაელის მხარეს.
უკრაინელებმა, თავის მხრივ, ბოლო თვეებში პირდაპირ მიმართეს ისრაელის მთავრობას და სთხოვეს ოფიციალურ პირებს გაყიდვის დამტკიცება.
9 თებერვალს უკრაინის საგარეო საქმეთა მინისტრმა, დმიტრი კულებამ თქვა, რომ მის ქვეყანას, რუსეთის თავდასხმის საშიშროების ფონზე, ისრაელთან საჰაერო თავდაცვის სისტემებთან დაკავშირებით ფართო კოოპერაცია სურს. ისრაელის ტელევიზიის ცნობით, უკრაინა ისრაელის მხარესთან განიხილავდა რკინის გუმბათისა და სხვა ანტისარაკეტო სისტემების, ასევე კიბერთავდაცვის ტექნოლოგიების საკითხებს.
პრესკონფერენციის დროს კულებამ თქვა, რომ კიევსა და იერუსალიმს შორის იყო “ძალიან ღრმა თანამშრომლობა… არსებულ ვითარებაში”, დეტალების გარეშე.
”ჩვენ ასევე დაინტერესებული ვართ თავდაცვის ტექნოლოგიების გაღრმავებით, განსაკუთრებით საჰაერო თავდაცვასთან დაკავშირებით” – განუცხადა მან საზოგადოებრივი მაუწყებლის Kan-ის ჟურნალისტს.
მან აღნიშნა : „ჩვენ მივესალმებით ისრაელის ძალისხმევას, შეასრულოს დიპლომატიური როლი უკრაინასა და რუსეთს შორის“, როგორც ჩანს, ორივე ერთან ებრაული სახელმწიფოს მჭიდრო კავშირების გამო.
Kan-მა უკრაინულ წყაროზე დაყრდნობით თქვა, რომ უკრაინამ “რამდენჯერმე” განიხილა ისრაელთან რკინის გუმბათის სისტემა, ისევე როგორც სხვა რაკეტსაწინააღმდეგო და კიბერთავდაცვის სისტემები და ტექნოლოგიები.
11 თებერვალს აშშ-მ გამოაცხადა, რომ რუსეთი უკრაინაში შესაძლოა ნებისმიერ წამს შეიჭრას, აქამდე კი პრეზიდენტმა, ჯო ბაიდენმა აშშ-ს მოქალაქეებს უკრაინის დატოვებისკენ მოუწოდა და აღნიშნა, რომ მოქალაქეების ევაკუაციისთვის ამერიკა იქ სამხედროებს არცერთ შემთხვევაში გაგზავნის.
[sexy_author_bio]
