40 დღეც მიილია და ზეცაში, ზუსტად იმ ადგილს დაიმკვიდრებს შენი სული წმიდა სავანეში, როგორც ამ წუთისოფელში ცხოვრებით დაიმკვიდრე, ჩვენო ცაბო!
შენ ხომ ადამიანური შესაძლებლობების, მოქალაქის, დედობის, მეგობრობის, ბებიობის, დიასახლისობის, ავკარგიანობის, ხელგაშლილობისა და სტუმართმოყვარეობის სამაგალითო ქნილება იყავი!
მშობლიურ ჭანიეთში, სადაც დაიბადე და გაიზარდე, ოჯახიც აქვე შექმენი და სიყვარულის კარნახით, ბედი გიზო ბაქანიძეს დაუკავშირე!
ათეული წლების მნძილზე მუშაობდი სოფლის ბიბილიოთეკის გამგედ, პარალელურად კი საოჯახო, სამეურნეო შრომის, დიდი ოჯახის წინამძღოლის, დედაბოძის იმიჯით, დაღლა არანაირ საქმეში არ იცოდი, წამითაც არასოდეს წაგიფორთხილებია! თანადგომაც განსაკუთრებული იცოდი! ასე ზრდიდი ჯერ საუკეთესო შვილს, გია ბაქანიძეს, შემდეგ კი საფიცარ შვილიშვილებს, ნინოსა და ბაიკას! მათ ბებოს უდიდესი ამაგით გზაგაკვალულებმა, ზუსტად იარეს, საქმითა და ადამიანობით დაადასტურეს, რომ „კვიცი გვარზე ხტის“ და ზენიტში ასწიეს ზრდილობიანი, განათლებული, საუკეთესო ბებიის შვილიშვილობის ნიშა! შემდეგ კი, ავადმყოფობის ჟამს, თავი საფიცარი ბებოს სიყვარულითა და მზრუნველობით გამოიჩინეს!
დიდი ოჯახის გარემოში, სადაც რძალდედამთილობის შეულამაზებელი, სამაგალითო ისტორიაც შეიქმნა, დღეს, შვილად მიჩნეული რძალი, ნატო კალანდაძე უყოყმანოდ ჩაენაცვლა დედად მიჩნეული დედამთილის პოზიციას!
ისინი ხომ საოცარ ტანდემს ქმნიდნენ ერთად და ოჯახს დიდი და ავკარგიანი იმიჯის სტატუსს არასდროს უფერმკრთალებდნენ! .
ცაბულა ლომჯარიას ჯანმრთელობა, საუკეთესო, ვაჟკაცობით და ადამიანობით ცნობილი ძმების, ნოდარ და რეზო ლომჯარიების ნაადრევად სიკვდილმა ყველაზე მეტად შეარყია! თუმცა, ბოლოს, საწოლზე მიჯაჭვულიც კი, თავის სანაქებო მოდგმის, საუკეთესო ძმისშვილების და მათ ნამრავლის კარგად ყოფნასა და ბედნიერებაზე უფრო ფიქრობდა, ვიდრე საკუთარ თავზე! უდიდესი ფენომენი, რასაც თავდადება და თავგადადება ჰქვია, საოცრად მძლავრობდა ამ ქალბატონში!
საკადრისი მოდგმაც, შვილი, შვილიშვილები, ძმისშვილები კარგად გრძნობენ ამ ყვოლაფერს და ამაყობენ მისით!
ღმერთმა ნათელი დაუმკვიდროს ცაბულა ლომჯარიას, თავმოყვარეობის, უდრეკობის, თავდადებული შრომის, ოჯახის, განათლებული და შრომისმოყვარე ადამიანების უსაზღვროდ მოყვარეს, ქალბატონს _ პურადს, გულადს, წარმოსადეგსა და საიმედოს!
მუდამ გვემახსოვრები და შევინახავთ შენს ხსოვნას, ჩვენო დაუვიწყარო ცაბო!
ოჯახი
