ახლა, ზაფხულის პირველი თვის დასაწყისში, ოზურგეთში, ძველი თხილი იშვიათად ბარდება და ფასი მუდამ დაბალია. საშუალოდ ერთ კილოგრამს, 3-4 ლარად იბარებენ.
ამ ფონზე აქტიურად საუბრობენ, როგორი იქნება ამ წლის მოსავალი და რა ფასად მოხდება თხილის ჩაბარება. როგორი ფასი ექნება ახალ სეზონზე ამ მარჩენალ კულტურის სახელით ცნობილ ჩროდუქტს.
წელს გურიაში თხილის მსხმოიარობა, როგორც აქ ამბობენ, საშუალოზე უმჯობესია.
-ძალიან ცივი საგაზაფხულო დასაწყისი იყო. გვეგონა, ადრიანი წაყინვები თხილის სანაყოფე კვირტსაც არ დატოვებდა დაუზიანებელს. თუმცა მშვენიერი მოსავალი ჩანს. თუმცა, რა გვიხარია? ფასის იმედი არ გვაქვს, _ უიმედოდ საუბრობენ გურულები.
„გურია ნიუსი“ თხილის მიმღები პუნქტების მფლობელებს და აქ დასაქმებულ ადამიანებს ესაუბრა, რომლებსაც ხალხი, პირობითად, ყველას ერთად მეთხილეებს ეძახის.
როგორც პრაქტიკა გვიჩვენებს, ყოველი წლის სეზონის დასაწყისში, შედარებით ზუსტ პროგნოზს მაინც ეს მეთხილე ოპერატორები აკეთებენ.
_ყველაზე უპროგნოზი ფასი, ალბათ, წელს იქნება, სავარაოდოდ, დაბალიც იქნება ეს ფასი, _გვითხრეს მათ.
თუმცა, რამდენიმე პუნქტში ისიც აღნიშნეს, რომ ფასი მაღალი იქნება.
_ალბთ, სამი ლარიდან დაიწყება ერთი კილოგრამი თხილის ფასი. მერე რა იქნება, ვერ გეტყვით, _ გვითხრა თხილის მიღებაზე დასაქმებულმა ცირა ქილიფთარმა.
ავტორი
