საზმაუს მარშის ერთ–ერთ ორგანიზატორს, ვახუშტი მენაბდეს ენმ “ოცნებასთან” გარიგებაში ადანაშაულებს. ანა წითლიძე სოციალურ ქსელში სატენდერო ხელშეკრულებებს აქვეყნებს, რომელიც მისი თქმით, ვახუშტი მენაბდის ძმა და არჩილ თალაკვაძის ძმა, ავთანდილ თალაკვაძე აწერენ ხელს, _ ამ ინფორმაციას ტვ.პირველი აქვეყნებს.
“ანუ ჩვენ რომ რუს ქოცებს ვებრძოდით, გვცემდნენ, გვასისხლიანებდნენ, ვახუშტი მენაბდის ოჯახი, სატენდერო ხელშეკრულებებს აფორმებდა ქოცებთან“, – წერს ანა წითლიძე.
“თუ რამეს გაბრალებთ გამოდი და უარყავი” – მიმართავს “ნაციონალური მოძრაობის” ერთ–ერთი ლიდერი ვახუშტი მენაბდეს.
გაინტერესებთ, რამდენს იხდიან მიშას პლაკატის დახევაში და ნაცების დემონიზების მცდელობაში?
მოკლედ აქ ასეთი ამბავია🙂
მინდა ყველამ ნახოთ.
მერე შეხვიდეთ ტენდერების გვერდზე და გადაამოწმოთ საკუთარი თვალებით🙂
ეს ერთ–ერთი ხელშეკრულებაა, ასეთი არის მრავალი შპს გურიამშენთან.
ამ ხელშეკრულებას ხელს აწერენ ვახუშტი მენაბდის ძმა და აჩიკო თალაკვაძის ძმა🙂
2024 წლის 8 ივლისია ხელშეკრულების დადების თარიღი.
თუ გვერდზე შეხვალთ და დაათვალიერებთ იპოვით აგვისტოში დადებულ ხელშეკრულებებსაც.
მოგებული ტენდერის გაფორმების ხელშეკრულებაა.
ანუ ჩვენ რომ რუს ქოცებს ვებრძოდით, გვცემდნენ, გვასისხლიანებდნენ, ვახუშტი მენაბდის ოჯახი, სატენდერო ხელშეკრულებებს აფორმებდა ქოცებთან.
მენაბდეების ანგარიშზე მილიონობით მოგებული ტენდერი და მენაბდის მარანი🙂
Vakhushti Menabde – რა ნაცების რეჟიმი)) თურმე სად ხარ შვილო))
თუ რამეს გაბრალებთ გამოდი და უარყავი“, – წერს ანა წითლიძე.
ვახუშტი მენაბდე “ნაციონალური მოძრაობის” ბრალდებებს პასუხობს და სოციალურ ქსელში წერს, რომ “ენმ წინააღმდეგობის საბოტაჟით არის დაკავებული”.
“ომში ვართ ავტორიტარულ რეჟიმთან, ყოველდღიურად და ყოველწუთიერად. ჩვენი მოძრაობა, სოციალური დემოკრატიისთვის წინააღმდეგობის ერთ–ერთი მძალვრი შენაკადია. “ნაციონალურმა მოძრაობამ” გადაწყვიტა, ამ ომში ან საკუთარი დღის წესრიგი მოახვიოს სხვებს თავს ან წინააღმდეგობის ველი მოისუფთავოს და ასე იქცეს რეჟიმის ერთადერთ ალტერნატივად. რადგან პირველი ვერ შეძლეს, სხვების გაშავებაზე გადავიდნენ, მაგრამ აქაც არაფერი გამოუვათ. ცუდი ის არის, რომ ისინი წინააღმდეგობის საბოტაჟით არიან დაკავებულები.
არ მეგონა სრულწლოვან ასაკში მამაჩემის საქმიანობაზე თუ უნდა ჩამებარებინა ანგარიში, მაგრამ, რაკი ამის საჭიროება გაჩნდა, გეტყვით, რაც ვიცი. ბოდიში, რომ გამოხმაურება დამაგვიანდა. მხოლოდ ზოგადად ინფორმაციას ვფლობდი ტენდერების შესახებ – ისიც იმიტომ, რომ როცა რამდენიმე თვის წინ მითხრეს, “მამაშენის ტენდერებს კუდს აბამენო”, ამის მერე წავედი და ვკითხე მამაჩემს რა ხდებოდა. დღეს დილით დავაზუსტე დანარჩენი. ამან დრო წაიღო.
მამაჩემის შპს ფლობს ბეტონის ქარხანას, რომელიც ბეტონს აწვდის შესყიდვის მსურველებს, მათ შორის სახელმწიფოს. ამისთვის მონაწილეობს ტენდერებში, ნაწილს იგებს, ნაწილს აგებს. ეს ტენდერები არის ბეტონის მიწოდება სოფლებში გზის მშენებლობისთვის. ამაში რა არის საეჭვო, არ ვიცი (რამე თანამდებობა მიკავია და ვეხმარები ტენდერში გამარჯვებაში?), მაგრამ თუ ვინმეს რამე ეჭვი აქვს, ჯობია, ჯერ გამოიკვლიოს. თუმცა გასაგებია, რომ საკითხის გარკვევა არაა იმათი მიზანი, ვინც ბრალდებას მიყენებს.
ეს ხალხი ამ ამბის შესახებ ინფორმაციას სულ ცოტა რამდენიმე თვეა ფლობს. ახლა რომ წამოწიეს, ეს იმაზე მიუთითებს, რომ ერთიანად გადაწყვიტეს ჩვენს მოძრაობაზე შეტევა: გუშინწინ გოტაზე და საზმაუს მარშზე, გუშინ ლუკაზე და ახლა ჩემზეც. მე მზად ვარ, ჩემი საქმიანობის შესახებ ყველა კითხვას ვუპასუხო. რაც შეეხება მამაჩემს და ჩემს ძმას, დღეს დილით ველაპარაკე და მათაც ყველა კითხვაზე აქვთ პასუხი.
რაც რეჟიმთან წინააღმდეგობაში ვარ ჩართული, ერთი მხრივ ქოცები სხვადასხვა ფორმით ცდილობენ ჩემზე საერთაშორისო დაფინანსების შესახებ ნეგატიური პროპაგანდა ააგორონ. ხან რა მოიგონეს ხან რა. და პარალელურად, მთელი ეს დრო, ნაცები ტენდერების თემას ამზადებდნენ. რახან ორივე მხრიდან გვიტევენ, ე.ი. სწორ გზაზე ვდგავართ“, – წერს ვახუშტი მენაბდე.
