ცხედრებით სავსე სატვირთო ავტომობილი ინგლისში

სატვირთო ავტომობილის კონტეინერში 39 ადამიანის ცხედარი იპოვეს.

RT-ს ინფორმაციით, შემთხვევა ესექსში, ინგლისში, ვოთერგლეიდის პარკში მოხდა.

პოლიციამ მკვლელობის ბრალდებით სატვირთოს მძღოლი დააკავა.

როგორც სამართალდამცავ უწყებაში ამბობენ, სატვირთო ავტომობილში 38 ზრდასრული ადამიანის და 1 მოზარდის ცხედარი იპოვეს.

მათივე ინფორმაციით, სატვირთო ავტომობილი ბულგარეთიდან მოდიოდა და საზღვარი შაბათს გადაკვეთა.