რუსეთის ქალაქ კრასნოდარის მოსახლეობამ საპროტესტო აქცია გამართა ელექტროენერგიის შეწყვეტისა და წყალმომარაგების შეფერხების გამო.
“მომეცი სინათლე”- ყვიროდნენ შეკრებილი ადამიანები.
“ავარიის გამოსასწორებლად სამუშაოები მიმდინარეობს და მოსახლეობას სასმელი წყალი მალე მიეწოდება”,_ განაცხადა შაბათს ქალაქის მერმა ევგენი ნაუმოვმა.
კრასნოდარის გუბერნატორმა ვენიამინ კონდრატიევმა თქვა, რომ „არანორმალური სიცხე“, სათანადო სიმძლავრეების ნაკლებობა პიკური დატვირთვის პერიოდში და როსტოვის ატომური ელექტროსადგურის ფუნქციონირების შეფერხება იყო ზოგიერთი ფაქტორი, რამაც ხელი შეუწყო გათიშვას. როსტოვის ქარხნის ერთ-ერთი ბლოკი, რომელიც ყველაზე დიდია რეგიონში, ამ კვირის დასაწყისში დროებით დაიხურა ტექნიკური გაუმართაობის გამო.
„უკვე ერთი კვირაა კრასნოდარის მხარეში არანორმალური სიცხეა. ენერგოსისტემაზე დატვირთვა კოლოსალურია. ვიცი და მესმის მოსახლეობის აღშფოთება ელექტროენერგიის გათიშვის გამო”,_ განაცხადა გუბერნატორმა კონდრატიევმა.
მან თქვა, რომ ის “მუდმივ კონტაქტშია” ენერგეტიკის თანამშრომლებთან და რომ “სადაც შესაძლებელია, ეკიპაჟები შეძლებისდაგვარად სწრაფად ასწორებენ ავარიებს”. კონდრატიევმა თქვა, რომ ქალაქის მერი ამჟამად იმ მხარეშია, რომელიც ყველაზე მეტად დაზარალდა და „მუდმივ ანგარიშს ახორციელებს სიტუაციის შესახებ“.
ცნობისთვის, სახალხო პროტესტი რუსეთში ძალზე იშვიათია, განსაკუთრებით მას შემდეგ, რაც რუსეთმა 2022 წლის თებერვალში დაიწყო უკრაინაში სრულმასშტაბიანი შეჭრა. მთავრობამ შემოიღო ომის ცენზურის შესახებ კანონი, რომელიც შეიძლება გამოიწვიოს მძიმე სასჯელი, მათ შორის პატიმრობა, სამხედროების დისკრედიტაციისთვის.
