“მედალფას“ ოზურგეთის სამედიცინო ცენტრის დირექტორი დავით მდინარაძე სოციალურ ქსელში მოსახლეობას მიმართავს. მისი თქმით, აუცილებელია დავიცვათ ყველამ ის წესები, რომელიც კორონავირუსის დროს არის დაწესებული.
„გურიაში 89 ახალი შემთხვევა გამოვლინდა 24 საათში. ბოლო 24 საათში 20 ადამიანი გარდაიცვალა.
თუ მე პირბადეს ვატარებ და ვიცავ დისტანციას ეს არ ნიშნავს, რომ შეშინებული ვარ , უბრალოდ მინდა შეწყდეს ვირუსის გადაცემა.
,როდესაც ცხვირზე და პირზე პირბადე მიკეთია საზოგადოებრივ ადგილებში და მაღაზიებში / სუპერმარკეტებში / აფთიაქებში / ოფისებში, მინდა იცოდეთ რომ:
მე საკმარისად განათლებული ვარ საიმისოდ, რომ ვიცოდე, რომ შეიძლება უსიმპტომო ვიყო და ვირუსი მაინც გადმოგდოთ.
მე არ ვცხოვრობ ვირუსის შიშით; უბრალოდ მე არ მინდა პრობლემა შევქმნა, არამედ მინდა პრობლემის გადაჭრის ნაწილი ვიყო.
“მე არ ვგრძნობ, რომ მთავრობა მაკონტროლებს” ვგრძნობ, რომ ზრდასრული ადამიანი ხელს ვუწყობ ჩვენი საზოგადოების უსაფრთხოებას და მსურს სხვებსაც ვასწავლო,რომ თუ ყველა შევძლებთ სხვისი პატივისცემით ცხოვრებას, მთელი სამყარო ბევრად უკეთესი იქნება.
მე ნიღბის ტარებით არ ვჩანვარ სუსტი, შეშინებული, ან თუნდაც “კონტროლს დაქვემდებარებული”. პირიქით ამით მე გამოვხატავ სხვებზე ზრუნვასა და საზოგადოებრივ პასუხისმგებლობას.
ნიღბის ტარებისას , როდესაც ფიქრობთ თქვენს გარეგნობაზე, დისკომფორტზე ან იმაზე თუ რას ფიქრობენ თქვენზე სხვები, წარმოიდგინეთ საყვარელი ადამიანი – ბავშვი, მამა, დედა, ბებია, ბაბუა, დეიდა, ბიძა, ან თუნდაც უცხო – სასუნთქ აპარატზე მიჯაჭვული … და ჰკითხეთ საკუთარ თავს, იქნებ ცოტათი მაინც დახმარებოდით მათ, პირბადე რომ გეტარებინათ და წესები დაგეცვათ …“ -წერს დავით მდინარაძე.
