„ჩვენ უახლოეს ხანში წარვადგენთ ინიციატივას, რაც „დემოკრატიის განვითარების ცენტრმა“ გააჟღერა, რომ ჩვენს მილიონზე მეტ თანამემამულეს ემიგრანტებს მიეცეთ ჩვენი ქვეყნის ბედის განსაზღვრაში მონაწილეობის მიღების საშუალება, მათი კონსტიტუციური უფლების რეალიზაცია, ამისათვის ყველაზე კარგი გზა არის ის, რაც დანერგილია ესტონეთში და კიდევ ექვს ქვეყანაში ელექტრონული წესით ხმის მიცემის პროცედურა და არა მხოლოდ დათვლის პროცედურა“,_ აღნიშნული განცხადება „ერთიანი ნაციონალური მოძრაობის“ პოლიტიკურმა მდივანმა, გიორგი ბარამიძემ არჩევნების ელექტრონული წესით ჩატარების შესახებ გააკეთა.
„რა თქმა უნდა, ჩვენ მხარს ვუჭერთ ბარიერის დაწევას, რადგან არ შეიძლება ხმები დაიკარგოს, ხმების დაკარგვა და შედარებით პატარა პარტიების თამაშგარე მდგომარეობაში დატოვება აწყობს სწორედ ამ რუსულ რეჟიმს, სწორედ პოლარიზაცია აწყობს რუსულ რეჟიმს, მას არ უნდა, რომ სხვა მოქმედი პირები, შედარებით პატარა პარტიებიც იყვნენ წარმოდგენილი საქართველოს პოლიტიკურ არენაზე, მათ სურთ, რომ ვინც 5 პროცენტიან ბარიერს ერ მიაღწევს, ყველა იმათი ხმები წაიღონ დიდწილად თვითონ. კი, „ნაციონალურ მოძრაობასაც“ ერგება, მაგრამ ამის გათვლა აქვთ მათ და ჩვენ გვინდა, რომ ქართული პოლიტიკური სპექტრი სრულად იყოს წარმოდგენილი საქართველოს პარლამენტში და, რა თქმა უნდა, მხარს უჭერს ორ პროცენტამდე ბარიერის დაწევას და უფრო მეტიც, ჩვენ ასევე უახლოეს ხანში წარვადგენთ ინიციატივას, რაც „დემოკრატიის განვითარების ცენტრმა“ გააჟღერა, რომ ჩვენს მილიონზე მეტ თანამემამულეს ემიგრანტებს, რომლებიც გადაიხვეწნენ საქართველოდან პოლიტიკური დევნის გამო, ეკონომიკური სიდუხჭირის გამო, იმის გამო, რომ მათ ამ ქვეყანაში არ მიეცათ საშუალება თავისი შრომით არჩინონ თავისი ოჯახები, ამ ადამიანებს მიეცეთ ჩვენი ქვეყნის ბედის განსაზღვრაში მონაწილეობის მიღების საშუალება, მათი კონსტიტუციური უფლების რეალიზაციის საშუალება, რომ მათ შეძლონ, მიიღონ საპარლამენტო არჩევნებში მონაწილეობა, ამისათვის ყველაზე კარგი გზა იქნებოდა ის, რაც დანერგილია ესტონეთში და კიდევ ექვს ქვეყანაში ელექტრონული წესით ხმის მიცემის პროცედურა, არა დათვლის პროცედურა, რასაც „ქოცები“ აპიარებენ. კომპიუტერით ან სმარტფონით, ვინც დარეგისტრირდება თავისი პირადი ნომრით და სახის ამომცნობი ტექნოლოგიით, ეს ახლა ყველგან არის დანერგილი, ვინც იმყოფება საარჩევნო სიის რეგისტრაციის დროს ვინც იქნება საზღვარგარეთ, რომ ისინი დარეგისტრირდნენ და მათ მონაწილეობა მიიღონ არჩევნებში, ამით მილიონზე მეტ ადამიანს ექნება საშუალება მიიღონ არჩევნებში მონაწილეობა და მეორე, გაიხსნას რაც შეიძლება მეტი საარჩევნო უბანი, სადაც თუნდაც 100-200 ჩვენი თანამოქალაქეა, სახელმწიფო ვალდებულია უზრუნველყოს საარჩევნო უბნის გახსნა, რომ ამ ადამიანებს ჰქონდეთ საშუალება თავისი კონსტიტუციური უფლების რეალიზაციისა, ჩვენი სამშობლოს ბედის განსაზღვრაში მონაწილეობის მიღებისა, ამიტომ ძალიან ბევრი უბანი უნდა გაიხსნას მსოფლიოს სხვადასხვა სახელმწიფოებში,“ – განაცხადა გიორგი ბარამიძემ.
