ცოტა ხნის წინ ქალაქ ტოკიოში, შიბუას რაიონში ფერადი, გამჭვირვალე შუშის საჯარო ტუალეტები გამოჩნდა.
ამ უჩვეულო დიზაინის მქონე ტუალეტების მთავარი დანიშნულებაა, რომ მასში შესვლის წინ ნებისმიერ მსურველს წინასწარ ჰქონდეს შესაძლებლობა, რომ ტუალეტში დაცულ ჰიგიენასა და უსაფრთხოებაში დარწმუნდეს.
ახალი ტუალეტები გარედან ფერადი და გამჭვირვალეა, თუმცა შიგნით შესვლისას და ტუალეტით სარგებლობისას ადამიანებს, რა თქმა უნდა, შესაძლებლობა აქვთ, დაცული პირადი სივრცით ისარგებლო და გარედან უცხო თვალისთვის უხილავები გახდნენ.
ამ შედეგს იდეის ავტორებმა, ეგრეთ წოდებული “ჭკვიანი შუშის” საშუალებით მიაღწიეს: როცა ტუალეტში შედიხარ და კარს კეტავ, შუშები გარედან გაუმჭვირვალე ხდება. ერთადერთი დაძაბულობა იმან შეიძლება გამოიწვიოს, რომ შიგნით ყოფნისას ამას თავად ვერ შეამჩნევ, ამიტომ უნდა დარწმუნდე, რომ კარი ნამდვილად ჩაკეტილია.
აღსანიშნავია ისიც, რომ ღამით ტუალეტები ანათებს: მათი ნახვისას, ალბათ, არც კი იფიქრებთ, რომ ტუალეტია.
იდეის ავტორების განცხადებით, მსგავსი დიზაინის შექმნა იმის გამო გადაწყვიტეს, რომ იაპონური ტუალეტების ჰიგიენასთან დაკავშირებული არც ისე საამაყო რეპუტაცია გამოესწორებინათ: ტოკიოში არსებულ საჯარო ტუალეტებს მოსახლეობის უმეტესობა ხშირად “ბნელ, ბინძურ, სუნიან და საშიშ” სივრცეებად მოიხსენიებს.
საჯარო საპირფარეშოებმა ადგილობრივ მოსახლეობაში ურთიერთსაწინააღმდეგო შეფასებები დაიმსახურა: ადამიანების ნაწილის აზრით, მათ მსგავს ტუალეტებთან შეგუება გაუჭირდებათ, ნაწილი კი მიიჩნევს, რომ პირიქით, პირველად ისარგებლებენ საჯარო ტუალეტით შიშის გარეშე.
[sexy_author_bio]
