,,თუ ბელარუსული თვითმფრინავები ოკუპირებულ ყირიმში ფრენების განხორციელებას დაიწყებენ, უკრაინა სანქციებს დააწესებს“, _ ამის შესახებ უკრაინის საგარეო საქმეთა მინისტრის მოადგილემ, ემინე ჯაფაროვამ განაცხადა.
მისი თქმით, ბელარუსის წინააღმდეგ სანქციებზე სრული პასუხისმგებლობა ლუკაშენკოს ეკისრება.
„რუსეთის მიერ ყირიმის ოკუპაციის დაკანონების მცდელობებს დაუყოვნებლივ გავცემთ პასუხს. ბელარუსული ავიაკომპანიების თუნდაც ერთი თვითმფრინავი ოკუპირებული ყირიმის ტერიტორიაზე თუ აღმოჩნდება, სანქციები გარდაუვალი გახდება.“ – განაცხადა დიპოლომატმა.
ძაფაროვამ ხაზგასმით აღნიშნა, რომ არსებობს საერთაშორისო სამართალი, რომლის თანახმად, ოკუპირებული ყირიმი და დონბასი არის უკრაინის ტერიტორია.
,,რუსეთმა უხეშად დაარღვია საერთაშორისო სამართალი, როდესაც ყირიმის ავტონომიური რესპუბლიკის ოკუპაცია მოახდინა და აღმოსავლეთ უკრაინაში აგრესია დაიწყო, რაზეც მას პასუხისმგებლობა ეკისრება. თუ ლუკაშენკოს პუტინთან ერთად ამ პასუხისმგებლობის გაზიარება და საერთაშორისო იზიოლაციის გაძლიერება სურს, ეს მისი პირადი არჩევანია, მაგრამ დარწმუნებული ვარ, ბელორუსი ხალხის უკრაინისადმი მეგობრული არჩევანის“, – განაცხადა ემინე ჯაფაროვამ.
უკრაინის საგარეო საქმეთა მინისტრის მოადგილემ, ასევე, აღნიშნა, რომ ბელარუსის საჰაერო სივრცეში ფრენების შეზღუდვა არა პოლიტიკური, არამედ უსაფრთხოების საკითხია.
,,ბელორუსთან საჰაერო მიმოსვლის შეზღუდვა არ არის პოლიტიკური გადაწყვეტილება, არამედ უსაფრთხოების საკითხი, ბოლოს და ბოლოს, ბელორუსის ხელისუფლების ქმედებები არაპროგნოზირებადია და ჩვენ წინასწარ ვერ შეაფასებთ ბელორუსის საავიაციო სივრცეში ყოფნის ყველა რისკს. “ – თქვა ემინე ჯაფაროვამ.
ცნობისთვის, 1-ელ ივნისს ალექსანდრე ლუკაშენკომ განაცხადა, რომ მინსკი და მოსკოვი ბელარუსიდან ყირიმში პირდაპირი ავიაფრენების განხორციელების დაწყების საკითხს სწავლობენ.
