ნატოს ხელმძღვანელი იენს სტოლტენბერგი მიიჩნევს, რომ უკრაინაში ომი შესაძლოა, კიდევ რამდენიმე წელი გაგრძელდეს, ამიტომ ალიანსი მზად უნდა იყოს უკრაინის მხარდასაჭერად კიდევ რამდენიმე წლის განმავლობაში გაგრძელებულ ომში.
სტოლტენბერგის განცხადებით, ომის ხარჯები მაღალია, მაგრამ მოსკოვის სამხედრო მიზნების მიღწევის ფასი კიდევ უფრო დიდი იყო.
ცნობისთვის, სტოლტენბერგის კომენტარი გასაჯაროვად მას შემდეგ, რაც გაერთიანებული სამეფოს პრემიერ- მინისტრმა ბორის ჯონსონმა ასევე გააფრთხილა გრძელვადიანი კონფლიქტისთვის მომზადების აუცილებლობა.
სტოლტენბერგმაც და ჯონსონმაც თქვეს, რომ მეტი იარაღის გაგზავნა უკრაინის გამარჯვებას უფრო სავარაუდოს გახდის.
“ჩვენ უნდა მოვემზადოთ იმისთვის, რომ ამას შეიძლება წლები დასჭირდეს. ჩვენ არ უნდა დავნებდეთ უკრაინის მხარდაჭერას”, – განაცხადა ნატოს ლიდერმა გერმანულ გაზეთ Bild-თან ინტერვიუში.
“მაშინაც კი, თუ ხარჯები მაღალია, არა მხოლოდ სამხედრო მხარდაჭერისთვის, არამედ ენერგიისა და სურსათის ფასების ზრდის გამო”.
დასავლეთის სამხედრო ალიანსის მეთაურმა თქვა, რომ უკრაინის უფრო თანამედროვე იარაღით მიწოდება გაზრდის მის შანსებს გაათავისუფლოს ქვეყნის აღმოსავლეთ დონბასის რეგიონი, რომლის დიდი ნაწილი ამჟამად რუსეთის კონტროლის ქვეშაა.
