უკრაინაში, სამხრეთ ოპერაციულ ზონაში ვითარება კვლავ რთულია, მაგრამ კონტროლდება უკრაინის თავდაცვის ძალების მიერ. ამის შესახებ ფეისბუქზე სამხრეთის ოპერატიული სარდლობა ავრცელებს, იტყობინება Ukrinform.
„მტერი ცდილობს მოძებნოს გზები თავისი ჯარების ლოგისტიკური მხარდაჭერის გასაუმჯობესებლად, აგრძელებს მდინარის ალტერნატიული გადასასვლელების მოწყობას და სარემონტო სამუშაოებს ანტონივსკისა და კახოვსკის ხიდების მიდამოებში. პარალელურად, ისინი ახორციელებენ რაკეტების გაშვებას. საარტილერიო და საჰაერო დარტყმები ჩვენი ჯარების პოზიციებსა და მშვიდობიან დასახლებებზე“, – ნათქვამია განცხადებაში.
მთელი დღის განმავლობაში აგრესორმა შვიდი საჰაერო დარტყმა განახორციელა უკრაინის შეიარაღებული ძალების პოზიციებზე, ხოლო ნიკოპოლის ოლქის ორ თემს რამდენიმე სარაკეტო დარტყმა მიაყენა. მსხვერპლის შესახებ ინფორმაცია არ გავრცელებულა.
უკრაინული მხარის ინფორმაციით, მტრის დანაკარგები მოიცავს 64 ჯარისკაცს, საბრძოლო მასალის საცავს, ორი Msta-S თვითმავალი ჰაუბიცას, ორ ტანკსაწინააღმდეგო სარაკეტო კომპლექსს, 16 ტანკს და 11 ჯავშანტექნიკის საბრძოლო მანქანას.
